SportPress.kz Қазақстан спорт жаңалықтары
Биыл 560 мыңнан астам балалар мен жасөспірімдер тегін спорт секциясымен немесе шығармашылық үйірмемен қамтамасыз етіледі. Бұл туралы мәдениет және спорт министрі Асхат Оралов айтты.
«Балалардың спортпен, дене шынықтырумен тұрақты айналысуына баса назар аударылады. Бұқаралық спортты, оның ішінде спорт секциялары мен шығармашылық үйірмелерді дамыту аса маңызды. Мемлекет басшысының тапсырмасына сәйкес, былтыр мемлекеттік тапсырыс аясында 4 жастан 17 жасқа дейінгі 400 мыңнан астам, нақтырақ айтсақ 402 мын бала мен жасөспірім шығармашылық үйірмелер мен спорт секцияларына қатысқан болатын», — деді ол министрліктің кеңейтілген алқа отырысында.
Оның айтуынша, бұл жоба биыл өз жалғасын таппады.
«Нақты айтқанда, балалардың әлеуетін арттыру мақсатында өңірлерде 86,7 млрд теңге қаражат бөлініп, нәтижесінде 560 мыңнан астам балалар мен жасөспірімдер тегін спорт секциясымен немесе шығармашылық үйірмемен қамтамасыз етіледі. Ендігі кезекте, өңірлер процедуралық мәселелерді жеделдетіп, тез арада жұмысқа кірісу қажет. Осы орайда облыстық спорт басқармасының басшыларымен бірлесіп жұмыс атқару, мемлекет басшысы тапсырмасын сапалы орындау – ортақ міндет деп білемін», — деді Асхат Оралов.
Дастан КЕНЖАЛИН,
АСТАНА
