SportPress.kz Qazaqstan sport jańalyqtary
Bıyl 560 myńnan astam balalar men jasóspirimder tegin sport sekııasymen nemese shyǵarmashylyq úıirmemen qamtamasyz etiledi. Bul týraly mádenıet jáne sport mınıstri Ashat Oralov aıtty.
«Balalardyń sportpen, dene shynyqtyrýmen turaqty aınalysýyna basa nazar aýdarylady. Buqaralyq sportty, onyń ishinde sport sekııalary men shyǵarmashylyq úıirmelerdi damytý asa mańyzdy. Memleket basshysynyń tapsyrmasyna sáıkes, byltyr memlekettik tapsyrys aıasynda 4 jastan 17 jasqa deıingi 400 myńnan astam, naqtyraq aıtsaq 402 myn bala men jasóspirim shyǵarmashylyq úıirmeler men sport sekııalaryna qatysqan bolatyn», — dedi ol mınıstrliktiń keńeıtilgen alqa otyrysynda.
Onyń aıtýynsha, bul joba bıyl óz jalǵasyn tappady.
«Naqty aıtqanda, balalardyń áleýetin arttyrý maqsatynda óńirlerde 86,7 mlrd teńge qarajat bólinip, nátıjesinde 560 myńnan astam balalar men jasóspirimder tegin sport sekııasymen nemese shyǵarmashylyq úıirmemen qamtamasyz etiledi. Endigi kezekte, óńirler proedýralyq máselelerdi jedeldetip, tez arada jumysqa kirisý qajet. Osy oraıda oblystyq sport basqarmasynyń basshylarymen birlesip jumys atqarý, memleket basshysy tapsyrmasyn sapaly oryndaý – ortaq mindet dep bilemin», — dedi Ashat Oralov.
Dastan KENJALIN,
ASTANA
