مەرگەندەر الەم كۋبوگىندا ءۇش جۇلدەنى جەڭىپ الدى

يندونەزيا استاناسى دجاكارتادا ۆينتوۆكا جانە تاپانشامەن نىسانا كوزدەۋدەن الەم كۋبوگى ءۇشىن جارىس بولىپ جاتىر.

بۇگىن وتانداستارىمىز وسى جارىستا ءۇشىنشى مەدالدى جەڭىپ الدى.

ەرلەر اراسىندا 10 مەتردەن پنەۆماتالىق ۆينتوۆكامەن نىسانا كوزدەۋدە قازاقستان قۇراماسى كۇمىس جۇلدەگەر اتاندى. فينالدا قازاقستاننىڭ مەرگەندەرى اۆسترياعا 16:8 ەسەبىمەن ەسە جىبەردى. ەل نامىسىن كونستانتين مالينوۆسكي، نيكيتا شاحتورين مەن يسلام ساتپاەۆ قورعادى.

قازىر قازاقستان 2 كۇمىس جانە 1 قولا مەدالمەن جالپى ەسەپتە 7-ورىندا تۇر. دجاكارتاداعى جارىسقا بارلىعى 15 سپورتشىمىز اتتاندى. ولاردىڭ ءبارى الەم كۋبوگى قارساڭىندا 10-26 قاڭتار ارالىعىندا كۋۆەيتتە وتكەن وقۋ-جاتتىعۋ جيىنىنا قاتىسقان.

يندونەزياداعى سايىسقا 31 ەلدەن 300-گە جۋىق سپورتشى قاتىسۋدا. وندا سپورتشىلار رەيتينگ ۇپايلارىن ساراپقا سالىنىپ جاتىر. ال بۇل ۇپايلار كەيىن پاريج وليمپياداسىنا قاتىسۋعا مۇمكىندىك بەرەدى. الەم كۋبوگى7 اقپاندا اياقتالادى.

داستان كەنجالين،

استانا