Mergender Álem kýbogynda úsh júldeni jeńip aldy

Indonezııa astanasy Djakartada vıntovka jáne tapanshamen nysana kózdeýden Álem kýbogy úshin jarys bolyp jatyr.

Búgin otandastarymyz osy jarysta úshinshi medaldi jeńip aldy.

Erler arasynda 10 metrden pnevmatalyq vıntovkamen nysana kózdeýde Qazaqstan quramasy kúmis júldeger atandy. Fınalda Qazaqstannyń mergenderi Avstrııaǵa 16:8 esebimen ese jiberdi. El namysyn Konstantın Malınovskıı, Nıkıta Shahtorın men Islam Sátpaev qorǵady.

Qazir Qazaqstan 2 kúmis jáne 1 qola medalmen jalpy esepte 7-orynda tur. Djakartadaǵy jarysqa barlyǵy 15 sportshymyz attandy. Olardyń bári Álem kýbogy qarsańynda 10-26 qańtar aralyǵynda Kýveıtte ótken oqý-jattyǵý jıynyna qatysqan.

Indonezııadaǵy saıysqa 31 elden 300-ge jýyq sportshy qatysýda. Onda sportshylar reıtıng upaılaryn sarapqa salynyp jatyr. Al bul upaılar keıin Parıj Olımpıadasyna qatysýǵa múmkindik beredi. Álem kýbogy7 aqpanda aıaqtalady.

Dastan KENJALIN,

ASTANA