ماسكەۋدە ءبيبىسارا اساۋباەۆا اتاقتى گروسسمەيستەرلەردى جەڭدى

رەسەي استاناسى ماسكەۋ قالاسىندا الەمنىڭ اتاقتى گروسسمەيستەرلەرى، سونىمەن بىرگە بليتس بويىنشا ەكى دۇركىن الەم چەمپيونى ءبيبىسارا اساۋباەۆا قاتىسقان «شاحمات جۇلدىزدارى» حالىقارالىق ءتۋرنيرى اياقتالدى.

بۇل تۋرنيرگە ءبيبىسارا اساۋباەۆادان باسقا تاعى 9 اتاقتى شاحماتشى قاتىستى. وسى دودادا ءبيبىسارا اساۋباەۆادان ۇتىلعان رەسەيلىك گروسسمەيستەر سەرگەي كارياكين ەكى جارىستىڭ قورىتىندىسى، ياعني راپيد جانە بليتس بويىنشا ۇزدىك ناتيجە كورسەتىپ، جەڭىسكە جەتتى. الەكساندر گريششۋك ەكىنشى، ۆلاديسلاۆ ارتەمەۆ ءۇشىنشى ورىندى يەلەندى.

راپيد جانە بليتس ويىندارىنىڭ قورىتىندىسى بويىنشا ءبيبىسارا اساۋباەۆا بەلگىلى گروسسمەيستەرلەر الەكساندرا گورياچكينا (رەسەي) مەن فرانتسيسكو ۆالەحو پونستى (يسپانيا) جەڭىپ، 8-ورىندى قاناعات تۇتتى.

18 جاستاعى اساۋباەۆا ماسكەۋدە بارلىق قاتىسۋشىلاردىڭ اراسىندا ەڭ جاسى بولدى.

داستان كەنجالين،

استانا