Aǵylshyn fýtboly óz tarıhyndaǵy eń qymbat oıynshyny satyp aldy

Anglııanyń «Chelsı» klýby argentınalyq Eno Fernandesti Aǵylshyn premer-lıgasy (APL) tarıhyndaǵy eń qymbat baǵaǵa satyp aldy.

«Chelsı» klýby fýtbolshy úshin Portýgalııanyń «Benfıka» komandasyna 121 mln eýro tólegen. Bul týraly Portýgalııa baǵaly qaǵazdar naryǵy komıssııasynyń saıtynda habarlandy.

Komanda 22 jastaǵy oıynshymen 2031 jyldyń jazyna deıin kelisimge qol qoıǵan.

Buǵan deıin rekord 2021 jyly «Manchester Sıtı» satyp alǵan Djek Grılısh transferine tıesili edi. Ony «Manchester Sıtı» «Aston Vılladan» 100 mln eýroǵa satyp alǵan bolatyn.

Eno – «Chelsı» sapyna qańtarda qosylǵan segizinshi oıynshy.

Eno Fernandes Portýgalııanyń «Benfıka» klýbynda 2022 jyldyń shildesinen beri dop tepti. Bıylǵy maýsymda barlyq jarystaǵy 29 matchta argentınalyq oıynshy 4 gol soǵyp, 7 nátıjeli pas berdi.

E.Fernandes Katarda ótken álem chempıonatynyń «Úzdik jas oıynshysy» atanǵan.

«Chelsı» APL týrnır kestesinde 10-orynda keledi. Grem Potterdiń shákirtteri 8 oıynda jeńiske jetip, 5 kezdesýdi teń aıaqtap, 29 upaı jınady.

Londondyq komanda 3 aqpan kúni óz alańynda «Fýlhemmen» kezdesedi.

Dastan KENJALIN,

ASTANA