SportPress.kz Qazaqstan sport jańalyqtary
Aqtaý qalasynyń 32-shaǵyn aýdanyndaǵy Muz aıdyny ǵımaratynyń qurylysy jyldar boıy sol qalpynda toqtap tur. Ekinshi ret merzimin uzartqannyń ózinde, byltyr jazda bitýi tıis edi. Esh ózgeris baıqalmaıdy.
Endi nysan pasportyndaǵy aıaqtalý merzimin boıap óshirip tastapty. О́ıtip kimdi aldaımyz?! Osydan soń Mańǵystaýda qysqy sport túrleri qaıdan damıdy? Jazda kúnge kúıip júrip, arnaıy baqylap edim. Qystyń borandy kúninde taǵy da tekserip kettim.
Bul nysan avtorlyq qadaǵalaý men tehnıkalyq qadaǵalaýdan bólek, qoǵamdyq qadaǵalaýymyzda da turǵanyn ulyqtardyń umytpaǵany jón. Burynǵy oblys ákiminiń birinshi orynbasary osy muz aıdynyna bólingen qarajatty qaltasyna salyp alǵan jaǵdaıdan keıin Fınpol, Antıkor, qoǵam belsendileri jıi tekserip turýy kerek. Men osy daýly qurylysqa qatysty jýrnalıstik zertteý júrgizdim.
«Muz aıdyny ǵımaraty ne sebepti toqtap tur? Qashan paıdalanýǵa beriledi?» degen suraqtaryma Mańǵystaý oblystyq dene shynyqtyrý jáne sport basqarmasynyń basshysy mindetin atqarýshy Aıbek Imashev jaýap berdi.
Sonymen… Aqtaý qalasyndaǵy muz saraıyn salý jáne paıdalaný jumystary memlekettik-jekemenshik áriptestik aıasynda qolǵa alynǵan. «Memlekettik áriptes» atynan aımaq ákimdigi ókilettik bergen Mańǵystaý oblysynyń dene shynyqtyrý jáne sport basqarmasy 2018 jylǵy 26 naýryz kúni «Jekeshe áriptes» tarapynan «N+N TECHNIKA, spol. s r.o.» JShS-men birge ekijaqty kelisim-shart jasaǵan.
Shartta kórsetilgen mindettemelerdiń oryndalmaýyna baılanysty keıin «Memlekettik áriptes» ol shartty buzý týraly sotqa talap aryz bergen. Al «Jekeshe áriptes» qurylystyń tolyq aıaqtalmaýyna jáne keshigýine baılanysty mynadaı túrli sebepterdi alǵa tartady:
Eń aldymen, sybaılas jemqorlyq isi. Tergeý nátıjeleri boıynsha 2019 jyly jabdyqtary bar qoımalar mórlenip, jumystar 2019 jyldyń sońyna deıin toqtatylǵan.
Odan keıin 2019-2020 jyldary Covid-19 indetiniń saldarynan Qazaqstan men Slovakııadaǵy karantındik shekteýlerge baılanysty Jekeshe áriptes ókilderiniń jáne Investıııalyq banktiń tehnıkalyq qadaǵalaý ókilderiniń elimizge kelýge múmkindigi bolmaǵan.
Sondaı-aq qurylys jumystaryn bastaý úshin 2021 jyly merdiger «Shalqarpromholdıng» JShS-men shart jasalady. Merdiger 2021 jyldyń basynda aldyn ala tólem jasap, qurylys-montaj jumystaryn bastap, biraq bir aıdan keıin jumysyn toqtatqan. Jekeshe áriptes jumystaryn júrgizbegeni úshin merdiger sotqa talap aryz bergen. Osy is boıynsha 2022 jylǵy qarashadaǵy sottyń sheshimi Jekeshe áriptestiń paıdasyna sheshilgen.
Jekeshe áriptes 2021 jyldyń sońynda «Atameken SMK» JShS-men qurylysty jalǵastyrý úshin shartqa qol qoıyp, jumysty 2022 jylǵy aqpanda jańa merdiger bastaıdy.
Bul rette 2022 jyldyń sáýir aıynan bastap qurylys jumystarynyń bastalýymen qatar, Jeke áriptes jer ýchaskesin jalǵa alý merzimin uzartý, buryn berilgen tehnıkalyq sharttardyń merzimin uzartý úshin jáne MJÁ negizgi shartyna qosymsha kelisimge qol qoıý jónindegi birlesken keńes ótkizgen.
Sonyń negizinde 2022 jylǵy 8 shilde kúni jer ýchaskesin jalǵa alý merzimi, al jeltoqsan aıynda ınjenerlik jelilerge qosylýdyń tehnıkalyq sharttary uzartylǵan.
«Slovakııanyń ınvestıııalyq banki» jobany qarjylandyrýdy jalǵastyrý jáne qosalqy stanııanyń qurylysyn salý úshin shartqa sáıkes memlekettik seriktes nemese jeke seriktesti anyqtaý máselesin qarastyryp jatyr eken. Eger jeke seriktes bolsa, onda bul tarmaq boıynsha qosymsha kelisimge túzetýler engizilip, eki taraptan maquldanyp, bekitilýi kerek eken. Bekitilgen qosymsha kelisim aıasynda qurylys jumystary jalǵasady deıdi.
Qandaı jaǵdaıda da qarajat pen ýaqyttan utylyp jatyrmyz. Keıin kelgen ákimder men jumysqa endi kirisken mekemeler ózderine deıingi áriptesteriniń áreketine silteı salmaı, osy jumysty jyldam, jaýapkershilikpen jáne sapaly aıaqtaýyn kútemiz.
Aıbek MUHANOV,
Qazaqstan Jýrnalıster Odaǵynyń múshesi.
Mańǵystaý oblysy,
Aqtaý qalasy.
