SportPress.kz قازاقستان سپورت جاڭالىقتارى
مانەرلەپ سىرعاناۋشى، 2019 جىلعى الەم ۆيتسە-چەمپيونى ەليزابەت تۇرسىنباەۆا الماتى قالاسى ءماسليحاتىنىڭ دەپۋتاتى بولعىسى كەلەتىنىن ايتتى. ول كانديدات بولىپ سايلاناتىنىن حابارلادى.
مەنىمەن جاقسى ارالاساتىن ادامدار كەز كەلگەن كاسىپتى ۇرشىقشا ءۇيىرىپ اكەتەتىنىمدى بىلەدى. مەن قانداي جۇمىس، شارۋا بولسىن، ءبارىن تياناقتى ەتىپ، جاناشىرلىقپەن ىستەيمىن. جارىسقا دايىندىققا اسا جاۋاپكەرشىلىكپەن قارايمىن. ساباعىمدى دا جاقسى وقيمىن.
مەن كۇن سايىن جاڭا بيىكتەرگە جەتكىم كەلەدى. بۇل – مەنىڭ بويىما بالا كەزىمنەن سىڭگەن قاسيەت. كاسىپقوي سپورتشىنىڭ ماقساتى – كوپ ەڭبەك ەتىپ، كوپ تەر توگۋ. سوندا عانا ماقساتقا جەتەمىز. ماعان سەنسەڭىزدەر، سەنىمدى اقتاۋعا تىرىسامىن. مەن AMANAT پارتياسىنان الماتى قالاسى ءماسليحاتىنىڭ دەپۋتاتتىعىنا كانديدات بولىپ سايلاندىم، – دەدى ول.
ول ودان ءارى بولاشاقتا ەلىمىزگە جاقسى وزگەرىستەر اكەلەتىن ۇلكەن تۇلعا بولعىسى كەلەتىنىن ايتتى.
بۇل – باستاماسى عانا. سىرتتان قاراپ، جۇيەگە شاعىمدانىپ وتىرۋ – وڭاي، ارەكەت ەتۋ – ودان دا قيىن. سوندىقتان مەن ءۇشىن بۇل وڭاي قادام ەمەس. سىزدەر مەنى قولداساڭىزدار، ءبارى ويداعىداي بولادى، – دەدى سپورتشى Instagram-داعى پاراقشاسىندا.
ەليزابەت تۇرسىنباەۆا – 22 جاستا. الەم چەمپيوناتىنىڭ (2019) جانە قىسقى ۋنيۆەرسيادانىڭ (2019) كۇمىس جۇلدەگەرى، قازاقستاننىڭ ءتورت دۇركىن چەمپيونى، ازيا ويىندارىنىڭ قولا جۇلدەگەرى (2017). ول – ەرەسەكتەر اراسىندا جالعىز سىرعاناۋدان 4 رەت تازا سەكىرۋدى ورىنداعان العاشقى ايەل سپورتشى.
داستان كەنجالين،
استانا
