رەسەي مەن بەلارۋس وليمپياداعا مەملەكەتتىك تۋ مەن ءانۇرانسىز قاتىسا الادى – حوك

حالىقارالىق وليمپيادا كوميتەتى (حوك) 2024 جىلى فرانتسيانىڭ پاريج قالاسىندا وتەتىن جازعى وليمپيا ويىندارىنا رەسەي مەن بەلارۋس ەلدەرى سپورتشىلارىنىڭ مەملەكەتتىك تۋسىز جانە ءانۇرانسىز قاتىسا الاتىنىن مالىمدەدى.

جاقىندا حوك رەسەيدىڭ ۋكرايناعا قارسى سوعىسىن قولدامايتىن سپورتشىلاردى جارىستارعا بەيتاراپ مارتەبەسىندە قاتىستىرۋدى جوسپارلاپ وتىرعانىن مالىمدەگەن ەدى. سودان كەيىن وليمپيادا كوميتەتىنىڭ رەسمي وكىلدەرى بۇل ماسەلە قازىرگى ۋاقىتتا قاراستىرلىپ جاتقانىن راستاپ، رەسەي مەن بەلارۋس سپورتشىلارىنىڭ جارىستارعا قاتىسا الاتىنىن جوققا شىعارمادى.

2024 جىلعى جازعى وليمپيادادا رەسەيلىك جانە بەلارۋس دەلەگاتسيالارى ءوز تۋىن كوتەرىپ شىعادى دەگەن اڭگىمە جوق. ولاردى قاتىستىرۋدىڭ تەك جالعىز جولى عانا بار. ول —  «روللان گارروس-2022» جانە تەننيستەن وتكەن اۆستراليانىڭ اشىق چەمپيوناتىنداعى سياقتى سپورتشىلار بەيتاراپ جاعدايدا قاتىسا الادى دەپ وتىرمىز، — دەدى حوك-تىڭ وكىلى وليۆە ۆەران.

ونىڭ ايتۋىنشا، بۇل ماسەلە جازدا حوك سەسسياسىنىڭ بىرىندە شەشىلەدى.

2024 جىلعى جازعى وليمپيادا فرانتسيادا 26 شىلدە مەن 11 تامىز ارالىعىندا وتەدى.

داستان كەنجالين،

استانا