Reseı men Belarýs Olımpıadaǵa memlekettik tý men ánuransyz qatysa alady – HOK

Halyqaralyq Olımpıada komıteti (HOK) 2024 jyly Franııanyń Parıj qalasynda ótetin jazǵy Olımpııa oıyndaryna Reseı men Belarýs elderi sportshylarynyń memlekettik týsyz jáne ánuransyz qatysa alatynyn málimdedi.

Jaqynda HOK Reseıdiń Ýkraınaǵa qarsy soǵysyn qoldamaıtyn sportshylardy jarystarǵa beıtarap mártebesinde qatystyrýdy josparlap otyrǵanyn málimdegen edi. Sodan keıin Olımpıada komıtetiniń resmı ókilderi bul másele qazirgi ýaqytta qarastyrlyp jatqanyn rastap, Reseı men Belarýs sportshylarynyń jarystarǵa qatysa alatynyn joqqa shyǵarmady.

2024 jylǵy jazǵy Olımpıadada reseılik jáne belarýs delegaııalary óz týyn kóterip shyǵady degen áńgime joq. Olardy qatystyrýdyń tek jalǵyz joly ǵana bar. Ol —  «Rollan Garros-2022» jáne tennısten ótken Avstralııanyń ashyq chempıonatyndaǵy sııaqty sportshylar beıtarap jaǵdaıda qatysa alady dep otyrmyz, — dedi HOK-tyń ókili Olıve Veran.

Onyń aıtýynsha, bul másele jazda HOK sessııasynyń birinde sheshiledi.

2024 jylǵy jazǵy Olımpıada Franııada 26 shilde men 11 tamyz aralyǵynda ótedi.

Dastan KENJALIN,

ASTANA