قازاقستاننىڭ التى بوكسشىسى فينالعا شىقتى

قازاقستاننىڭ التى بوكسشىسى ۆەنگريانىڭ دەبرەتسەن قالاسىندا ءوتىپ جاتقان يشتۆان بوچكايدى ەسكە تۇسىرۋگە ارنالعان حالىقارالىق ءتۋرنيردىڭ فينالىنا شىقتى.

جارتىلاي فينالدا تەمىرتاس ءجۇسىپوۆ (48 كگ)، سەرىك تەمىرجانوۆ (57 كگ)، ءساماتالى تولتاەۆ (60 كگ)، دۋلات بەكباۋوۆ (67 كگ)، اياتوللا تاكىجانوۆ (75 كگ) پەن ايبەك ورالباي (92 كگ) قارسىلاستارىن جەڭىپ، فينالعا جولداما الدى.

ەندى فينالدا تەمىرتاس ءجۇسىپوۆ  اسىلبەك امانقۇل ۇلىمەن (قىرعىزستان)، سەرىك تەمىرجانوۆ ۆاسيلە ۋستۋرويمەن (بەلگيا)، ءساماتالى تولتاەۆ فرەد دززيۆامەن (اۆستراليا)، دۋلات بەكباۋوۆ ياروسلاۆ ميحالۋشكومەن (ۋكراينا)، اياتوللا تاكىجانوۆ ۋكراينانىڭ تاعى ءبىر وكىلى يۆان پاپاكينمەن جۇدىرىقتاسادى. ال ايبەك ورالباي ۇلىبريتانيانىڭ بوكسشىسى پاتريك براۋنمەن قولعاپ تۇيىستىرەدى.

داستان كەنجالين،

استانا