Qazaqstannyń alty boksshysy fınalǵa shyqty

Qazaqstannyń alty boksshysy Vengrııanyń Debreen qalasynda ótip jatqan Ishtvan Bochkaıdy eske túsirýge arnalǵan halyqaralyq týrnırdiń fınalyna shyqty.

Jartylaı fınalda Temirtas Júsipov (48 kg), Serik Temirjanov (57 kg), Samatáli Tóltaev (60 kg), Dýlat Bekbaýov (67 kg), Aıatolla Tákijanov (75 kg) pen Aıbek Oralbaı (92 kg) qarsylastaryn jeńip, fınalǵa joldama aldy.

Endi fınalda Temirtas Júsipov  Asylbek Amanqululymen (Qyrǵyzstan), Serik Temirjanov Vasıle Ýstýroımen (Belgııa), Samatáli Tóltaev Fred Dzzıvamen (Avstralııa), Dýlat Bekbaýov Iaroslav Mıhalýshkomen (Ýkraına), Aıatolla Tákijanov Ýkraınanyń taǵy bir ókili Ivan Papakınmen judyryqtasady. Al Aıbek Oralbaı Ulybrıtanııanyń boksshysy Patrık Braýnmen qolǵap túıistiredi.

Dastan KENJALIN,

ASTANA