Жеңіл атлетика: Михаил Литвин Азия чемпионатының күміс жүлдесін иеленді

Астана қаласында жеңіл атлетикадан өтіп жатқан жабық кешендегі Х Азия чемпионатында Қазақстан қоржынына төртінші жүлде түсті.

Ерлер арасында 400 метрге жүгіруде Михаил Литвин күміс жүлдегер атанды. Ол мәреге санаулы метрлер қалғанда катарлық Аммар Исмаил Яхия Ибраһимнен қалып қойды. Қола медаль қытайлық атлетке бұйырды.

Бұл қашықтықта тағы бір отандасымыз Вячеслав Земс мәреге жетер тұста құлап қалды.

Қазір Қазақстан қоржынында 1 алтын, 2 күміс пен 1 қола медаль бар.

Шамкен БАЙЫРБЕК,

ФОТО: Мәдениет және спорт министрлігі Спортты дамыту дирекциясы

АСТАНА