Qazaqstan quramasy Damý kýbogynda kúmis júldeger atandy (VIDEO)

Belarýstiń astanasy Mınsk qalasynda Damý kýbogy úshin halyqaralyq týrnır aıaqtaldy.

Fınalda Qazaqstan men Reseı jasóspirimder quramalary kezdesti. Matchta otandastarymyz qarsylastarynan 1:3 esebimen utylyp, osymen ekinshi ret kúmis júldege ıe boldy (2021 jyly fınalda Tájikstan jasóspirimder quramasynan jeńilgen bolatyn, — red.)

Qazaqstan quramasynda jalǵyz goldy jartylaı qorǵaýshy Ilııas Ábil saldy. Sóıtip, ol týrnırdegi úshinshi golyn soqty. Al jasóspirimder komandanyń qaqpashysy Ábilqaıyr Álıaqbar Damý kýbogynyń úzdik qaqpashysy atandy.

Buǵan deıin Qazaqstan fýtbolshylary О́zbekstandy 3:0, Reseıdiń 16 jasqa deıingi jasóspirimder quramasyn 1:0, Belarýsti 1:0 esebimen jeńgen bolatyn.

Qazaqstan jasóspirimder quramasy Damý kýbogy oıyndaryna tórtinshi ret qatysty. Komanda alǵash ret 2014 jyly jalaýy jelbiregen jarysta kúsh synassa, odan keıin  2018 jáne 2021 jyldary Damý kýbogynyń jasyl alańyna shyqty.

Qazaqstan U-17 – Reseı U-17 – 1:3 (1:1)

Goldar: Ilııas Ábil 8 – Vadım Pastýshkov 2, Ivan Bober 68 (penaltı), Egor Sysoev 73

Dastan KENJALIN,

ASTANA