Batys Qazaqstan oblysynda balalarǵa qol kótergen bapkerge is qozǵaldy

Batys Qazaqstan oblysynda balalarǵa qol kótergen jattyqtyrýshyǵa qatysty ákimshilik is qozǵaldy. Bul týraly QazAqparattyń tilshisi habarlady.

BQO polıııa departamentiniń resmı ókili Bolatbek Nurǵojınniń aıtýynsha, oqıǵa 13 aqpan kúni 2013 jylǵy jasóspirimniń jaraqat pýnktine habarlasqannan keıin belgili boldy.

Onyń sózine qaraǵanda, balaǵa samaı tusy kógergen degen dıagnoz qoıylǵan.

Sol kúni jasóspirimniń anasy jattyqtyrýshyǵa qatysty shara qoldaný jóninde shaǵym túsirdi. Balaǵa qol kótergen Shyńǵyrlaý aýylyndaǵy dene shynyqtyrý-saýyqtyrý kesheniniń 1974 jylǵy bapkeri anyqtaldy. 14 aqpan kúni jasóspirimniń anasynan isti qaraýdy toqtatý jáne taraptardyń kelisimge kelgeni jóninde taǵy bir aryz tústi. Alaıda Shyńǵyrlaý aýdany polıııa bóliminiń qyzmetkerleri bapkerge qatysty QR Ákimshilik quqyqbuzýshylyq kodeksi 73-2-baby 1-bóligine (uryp-soǵý) sáıkes ákimshilik hattama toltyrdy. Bul bap boıynsha aıypty dep tanylǵan adam on aılyq eseptik kórsetkish mólsherinde aıyppul salýǵa nemese on táýlikke deıingi merzimge ákimshilik qamaqqa alýǵa jazalanady. BQO dene shynyqtyrý jáne sport basqarmasyna bapkerdiń tártibin qaraý jáne tártiptik shara qoldaný jóninde usynym joldandy,- dedi B.Nurǵojın.

BQO dene shynyqtyrý jáne sport basqarmasy basshysynyń orynbasary Jeńis Nyǵmetýllın bolǵan oqıǵaǵa qatysty túsinik berdi.

Onyń aıtýynsha, 13 aqpan kúni Shyńǵyrlaý aýdany balalar-jasóspirimder sport mektebindegi sambo kúresi bóliminiń jattyqtyrýshysy Qaısar Qusaıynov jattyǵý kezinde tárbıelenýshiler A.Myrzahandy jáne N.Jurmaǵambetti soqqyǵa jyqqan.

Sol kúni oqýshylardyń ata-analarynan aryz túsip, Q.Qusaıynov jergilikti polıııa bólimine shaqyrtyldy. Jattyqtyrýshy Q.Qusaıynov balalardyń ata-analarynan keshirim surady. Sportshylardyń ata-analary jattyqtyrýshyny keshirip, óz aryzdaryn keri qaıtardy. Degenmen Shyńǵyrlaý dene shynyqtyrý-saýyqtyrý kesheniniń ákimshiligi bolǵan oqıǵa týraly vıdeony turǵyndar arasynda taratyp jiberdi. Kúni búgin Q.Qusaıynov uly Aldııar Saıynnyń Astana qalasynda ótip jatqan dzıýdodan jasóspirimder arasyndaǵy Qazaqstan chempıonatyna qatysýyna baılanysty óz qarajaty esebinen issaparǵa ketti. Qyzmetke 20 aqpan kúni shyǵady. Jumysqa shyqqan soń Q.Qusaıynovtyń is áreketine baǵa berý úshin qyzmettik tekseris júrgiziledi, — dedi J.Nyǵmetýllın.

Buǵan deıin Oralda joǵalyp ketken oqýshy qyzdyń bes kúnnen keıin aman-esen tabylǵan bolatyn.

Dastan KENJALIN,

ASTANA