Polsha HOK-tan Olımpıadaǵa Reseı sportshylaryn qatystyrmaýdy talap etti

Polsha Halyqaralyq olımpııalyq komıtetke (HOK) Olımpııalyq oıyndarǵa reseılikterdi qatystyrmaý jóninde ýltımatým qoıdy. Bul týraly «Dıalog.ua» habarlady.

Batys koalıııasyna kiretin elderdiń biri 2024 jyly Parıjde ótetin Olımpıadaǵa reseılik jáne belarýstik sportshylar qatysatyn bolsa, Oıyndarǵa boıkot jarııalaýǵa daıyn ekenin bildirdi, – delingen habarlamada.

Ázirshe HOK óziniń Parıjde 2024 jyly ótetin Olımpıadaǵa RF jáne Belarýs atletterin beıtarap mártebe negizinde jiberý jónindegi ıdeıasyn qorǵashtaýmen keledi. Al Ýkraınadaǵy soǵys bitkenge deıin reseılikter men belorýstardy halyqaralyq jarystardyń bárinen tolyq oqshaýlap tastaýdy talap etýshi koalıııanyń avangardyna júrgen Polsha bul máselege qatysty teketirestiń sońyna deıin baratynyn baıqatyp, Olımpıadaǵa boıkot jarııalaýǵa daıyn ekenin jetkizdi.

Polsha sportynyń basshysy Kamıl Bortnıchýk eger RF men BR sportshylary jarysqa jiberiletin bolsa, óz eliniń Franııa astanasynda ótetin Oıyndarǵa boıkot jarııalaýǵa daıyn ekenin rastap berdi, – delingen portalda.

Buǵan deıin  álemniń 35 eli Reseı men Belarýs sportshylaryn 2024 jylǵy Parıj Olımpıadasynan tolyq oqshaýlaý, olardy eshqandaı da beıtarap tý astynda jarys jolyna shyǵarmaý jóninde bastama kótergen bolatyn. Al jaqynda HOK prezıdenti Tomas Bah Olımpııalyq oıyndarǵa kimderdiń qatysatyndaryn úkimetter anyqtaýy tıis emes degen syńaıda jaýap qaıtardy.

Alaıda, reseılikter men belorýstardy Oıyndarǵa qatystyrmaý jóninde bastama kóterip júrgen koalıııa elderi bul kúrestiń sońyna deıin baratyn sııaqty. Eger olar degenderine jetpese, Olımpıadaǵa jappaı boıkot jarııalanýy ábden múmkin.

Dastan KENJALIN,

ASTANA