SportPress.kz Qazaqstan sport jańalyqtary
Eýropa Parlamenti reseılikterdi 2024 jylǵy Olımpııalyq oıyndarǵa jiberý resmı pozıııaǵa saı kelmeıtinin málimdedi. Bul týraly dw.com habarlady.
Eýroparlament reseılikter men belorýstardy beıtarap jalaý astynda jarystarǵa qatysýǵa ruqsat etý RF men Belarýsti kóp qyrly oqshaýlaý jónindegi sheshimge qaıshy keledi dep sheshti, – delingen habarlamada.
Eýroparlament depýtattary Halyqaralyq Olımpııalyq komıtettiń reseılikter men belorýstarǵa 2024 jylǵy jazǵy Olımpıadaǵa beıtarap jalaý astynda qatysýǵa ruqsat berý jónindegi usynysyna Eýropa odaǵy zań shyǵarýshy organynyń jaýaby retindegi resmı pozıııasyn bekitip berdi. Parlamentarııler HOK-tyń bul ıdeıasynyń ózin qatty aıyptap, munyń Reseı men Belarýsti kóp qyrly oqshaýlaý prınıpine orasan zor nuqsan keltiretinin málimdedi.
Munyń bári Eýropa Parlamenti qabyldaǵan qararda atap kórsetilgen. Qujatty 444 depýtat qoldap daýys berdi, 26-sy qarsy boldy, taǵy 37 adam qalys qaldy.
Parlamentarııler Eýroodaqqa múshe elderdiń jáne basqa memleketterdiń úkimetterin HOK-ke qysym jasap, túpki qorytyndyda onyń RF men BR ókilderiniń Olımpıadaǵa qatysýlaryna tyıym salýyna yqpal etýge shaqyrdy.
Parıjdegi Oıyndarǵa reseılik jáne belorýs sportshylarynyń jiberilý yqtımaldylyǵy kúlli sport álemi úshin masqara, – delingen qujatta.
Buǵan deıin Polsha Sport mınıstrligi Parıjge Reseı jáne Belarýs sportshylary baratyn bolsa, 2024 jylǵy Olımpıadaǵa boıkot jarııalaýǵa daıyn ekenderin málimdegen edi. Mundaı qadam HOK-pen kelisim tabyssyz aıaqtalǵan jaǵdaıda isske asyrylady.
Budan basqa, Ulybrıtanııa Polshanyń málimdemesine túsindirme bere kelip, álemniń jetekshi elderiniń bul másele jónindegi pozıııasyna HOK-tyń qulaq aspaýy múmkin emes ekenin alǵa tartty. Áıtpese, munyń sońy Oıyndarǵa jappaı boıkot jarııalaýǵa ulasyp ketýi yqtımal.
HOK-tyń basshysy Tomas Bah reseılikter men belorýstardy Olımpıadaǵa jiberý pozıııasyn qorǵaýdy jalǵastyryp otyr. Ol muny komıtettiń «adamdardy biriktirý men adam quqyǵyn qorǵaýǵa» umtylyp otyrǵanymen baılanystyrady. Biraq ol sol «adam quqyǵyn» Ýkraınada Reseı basqynshylary men onyń odaqtasy Belarýstiń aıaqqa taptap jatqanyn túsindirgen joq.
Dastan KENJALIN,
ASTANA
