Qazaqstan grepplıngten ASIA OPEN-2023 týrnıriniń jeńimpazy atandy

Qazaqstannyń grepplıng quramasy Astanada balalar, jasóspirimder, jastar men eresekter arasyndaǵy ASIA OPEN 2023 týrnırinde jeńiske jetti. Jarysqa 1200-ge jýyq sportshy qatysty.

Týrnırde ekinshi oryndy Qyrǵyzstan, úshinshi oryndy О́zbekstan quramalary aldy.

Astanadaǵy jarystyń qorytyndysy boıynsha ASIA OPEN 2023 týrnırinde jaqsy nátıje kórsetken sportshylardan ulttyq qurama jasaqtalyp, olar aldaǵy halyqaralyq jarystarǵa daıyndalady. Eń birinshi bolyp olar eresekter arasyndaǵy álem chempıonatyna barady. Ol bıyl Polshada ótedi. Al jasóspirimder, jastar jáne ardagerler arasyndaǵy jarys Grekııada ótedi.

Grepplıng – klassıkalyq jekpe-jek ónerindegi (sambo, dzıýdo, djıý-djıtsý jáne erkin kúres) sııaqty laqtyrý jáne onyń tehnıkalaryn qamtıtyn jekpe-jek túrleriniń biri. Grepplıngtegi negizgi ekpin aýyr ádisterge aýdarylady, sonyń arqasynda qarsylas beriledi. Grepplıng basqa jekpe-jek ónerinen kıim úlgisimen erekshelenedi, munda sportshy qarsylasynyń kıimine jarmasa almaıdy.

Dastan KENJALIN,

ASTANA