Reseıde II «Azııa balalary» oıyndary bastaldy (FOTO)

Búgin Reseı Federaııasynyń Kemerevo qalasynda qysqy sport túrlerinen II «Azııa balalary» oıyndary bastaldy. Bul týraly Mádenıet jáne sport mınıstrliginiń Sportty damytý dırekııasy habarlady.

Áýeli «Kýzbass» muz saraıyndaǵy ulttyq quramalar sherýinde elimizdiń týyn short-trekshi Sanjar Bekejan ustap shyqty. Aldaǵy kúnderi Qazaqstan osy halyqaralyq jarysta 6 sport túrinen synǵa túsetin 64 atlettiń jolyna úmitpen qaraıdy.

Alǵash ret halyqaralyq jarysqa kelgen Qazaqstan quramasynyń kapıtany Sanjar Bekejan: «Týdy ustap shyqqanyma qýanyp turmyn. Bul men úshin motıvaııa. Endi jarys kezinde júlde alýǵa, qasymdaǵy jora-joldastaryma úlgi bolýǵa tyrysamyn. Birinshi halyqaralyq jarys bolǵandyqtan qobaljyp júrmiz. Alaıda daıyndyǵymyz jaqsy», — dedi.

Sherýden soń «Azııa balalary» oıyndarynyń týyn alǵash ret tanymal sportshylar ortaǵa alyp shyqty. Olardyń bári kezinde osy oıyndarǵa qatysyp, kásibı karerasyn bastaǵan tanymal atletter. Tý ustaýshy 6 adamnyń qataryna elimizden bokstan álem jáne Azııa chempıony memlekettik jattyqtyrýshy Mereı Aqshalov shaqyrtý aldy.

Men de úlken sporttaǵy alǵashqy qadamymdy 2004 jyly Iakýtsk qalasyndaǵy jazǵy «Azııa balalary» oıyndarynda jasaǵanmyn. Arada 19 jyl ótipti. Qazir trıbýnada otyrǵan jas sportshylardyń qandaı kúıde otyrǵanyn jaqsy túsinemin. Bul olar úshin tájirıbe jınaıtyn, shyńdaıtyn jaqsy alań bolady. Menen basqa tý ustaǵan 5 sportshy da reseılik eken. Osylaı elep shaqyrǵandary úshin raqmet. Ulttyq quramamyz sátti óner kórsetedi, degen senimdemin, — dedi Mereı Aqshalov rásimnen keıingi suhbatynda.

Osydan keıin oıyndar tarıhynan syr shertetin túrli qoıylymdar men konert boldy. Bul qatarda mánerlep syrǵanaýdan eki dúrkin Olımpıada chempıony Evgenıı Plıýщenko, jas sportshy Aleksandr Plıýщenko men Olımpııalyq oıyndarynyń júldegeri Aleksandra Trýsovanyń arnaıy shoýyn atap ótýge bolady.

Jalpy, saltanatty ashylýdy arenadan 5 myńǵa jýyq jankúıer tamashalady. Búginnen bastap keı sporttaǵy júldegerler anyqtalyp jatyr. Al qazaqstandyqtar júlde jolyndaǵy talasqa 27 aqpannan bastap aralasady (short-trek).

«Azııa balalary» oıyndary 4 naýryzda aıaqtalady. Oǵan deıin barlyǵy 57 medal jıyntyǵy sarapqa salynady. Oǵan Qazaqstan, Armenııa, Aýǵanstan, Belarýs, Kýveıt, Qyrǵyzstan, Lıvan, Nepal, Tájikstan, Taıland, Túrikmenstan, О́zbekstan, Reseıdiń Máskeý qalasy, Kýzbass óńiriniń quramasy, Qıyr shyǵys federaldy okrýgy, Sibir federaldy okrýgy, Oral federaldy okrýginiń quramasy, Bashqurtstan Respýblıkasy, Saha Respýblıkasy men Tatarstan Respýblıkasy quramasy.

Qazaqstan alǵash ret 2019 jyly ótken «Azııa balalary» oıyndaryna jarystyń 8 túrinen 74 sportshy aparǵan. Jalpy esepte 7 altyn, 7 kúmis jáne 6 qola medalmen 6-orynnan kóringen. 2019 jyly barlyǵy 11 komanda qatysqan. Bıylǵy oıyndarǵa 12 komanda bardy.

Dastan KENJALIN,

ASTANA