سپورت جانە دەنە شىنىقتىرۋ ىستەرى كوميتەتىنە جاڭا توراعا تاعايىندالدى

مادەنيەت جانە سپورت مينيسترلىگىنە قاراستى سپورت جانە دەنە شىنىقتىرۋ ىستەرى كوميتەتىنىڭ توراعاسى بولىپ ەربول مىرزابوسىنوۆ تاعايىندالدى.

ەربول مىرزابوسىنوۆ 1984 جىلى شىعىس قازاقستان وبلىسىندا تۋعان.

ول سەمەي مەملەكەتتىك پەداگوگيكالىق ينستيتۋتىن، قازاق گۋمانيتارلىق-زاڭ يننوۆاتسيالىق ۋنيۆەرسيتەتىن، قازاق سپورت جانە تۋريزم اكادەمياسىن بىتىرگەن.

ەڭبەك جولىن 2005 جىلى سەمەي مەملەكەتتىك پەداگوگيكالىق ينستيتۋتى دەنە شىنىقتىرۋ جانە سپورت تەورياسى مەن ادىستەمەسى كافەدراسىنىڭ اسسيستەنتى، جاتتىقتىرۋشى-وقىتۋشىسى بولىپ باستادى.

2009-2014 جىلدارى سەمەي قالاسىنىڭ مەملەكەتتىك پەداگوگيكالىق ينستيتۋتىنىڭ دەنە تاربيەسى كافەدراسىنىڭ وقىتۋشىسى، مەڭگەرۋشىسى بولدى.

2006-2018 جىلدارى «شىعىس قازاقستان وبلىستىق بۇقارالىق سپورتتاعى جوعارى سپورت شەبەرلىگى مەكتەبى» كمم جاتتىقتىرۋشى-وقىتۋشىسى بولىپ قىزمەت ەتتى.

2018-2020 جىلدارى «قىزىلجار ارلاندارى» سپورت كلۋبىنىڭ ديرەكتورى بولىپ جۇمىس ىستەدى.

2020-2021 جىلدارى «Qazaq kuresi» قاۋىمداستىعىنىڭ باسقارۋشى ديرەكتورى بولىپ ەڭبەك ەتتى.

2021 جىلعى ناۋرىز ايىنان باستاپ قازىرگى ۋاقىتقا دەيىن دەنە شىنىقتىرۋ جانە بۇقارالىق سپورت اكادەمياسىنىڭ رەكتورى بولدى.

داستان كەنجالين،

استانا