Sport jáne dene shynyqtyrý isteri komıtetine jańa tóraǵa taǵaıyndaldy

Mádenıet jáne sport mınıstrligine qarasty Sport jáne dene shynyqtyrý isteri komıtetiniń tóraǵasy bolyp Erbol Myrzabosynov taǵaıyndaldy.

Erbol Myrzabosynov 1984 jyly Shyǵys Qazaqstan oblysynda týǵan.

Ol Semeı memlekettik pedagogıkalyq ınstıtýtyn, Qazaq gýmanıtarlyq-zań ınnovaııalyq ýnıversıtetin, Qazaq sport jáne týrızm akademııasyn bitirgen.

Eńbek jolyn 2005 jyly Semeı memlekettik pedagogıkalyq ınstıtýty Dene shynyqtyrý jáne sport teorııasy men ádistemesi kafedrasynyń assıstenti, jattyqtyrýshy-oqytýshysy bolyp bastady.

2009-2014 jyldary Semeı qalasynyń memlekettik pedagogıkalyq ınstıtýtynyń dene tárbıesi kafedrasynyń oqytýshysy, meńgerýshisi boldy.

2006-2018 jyldary «Shyǵys Qazaqstan oblystyq buqaralyq sporttaǵy joǵary sport sheberligi mektebi» KMM jattyqtyrýshy-oqytýshysy bolyp qyzmet etti.

2018-2020 jyldary «Qyzyljar Arlandary» sport klýbynyń dırektory bolyp jumys istedi.

2020-2021 jyldary «Qazaq kuresi» qaýymdastyǵynyń basqarýshy dırektory bolyp eńbek etti.

2021 jylǵy naýryz aıynan bastap qazirgi ýaqytqa deıin Dene shynyqtyrý jáne buqaralyq sport akademııasynyń rektory boldy.

Dastan KENJALIN,

ASTANA