Strandja kýbogy: nelikten Jalolovtyń qarsylastary sharshy alańǵa shyqpady?

Reseılik «neKARAte» Youtube-arnasy bokstan Bolgarııanyń astanasy – Sofııa qalasynda Strandja kýbogy úshin ótken halyqaralyq týrnırde ózbekstandyq aýyr salmaqty bylǵary qolǵap sheberi Bahodır Jalolovqa qarsy sportshylardyń sharshy alańǵa shyqpaı qalý sebebin aıtty.

Eske sala ketsek, jaqynda «Kishi álem chempıonaty» atalyp ketken týrnırde Jalolovtyń úsh birdeı qarsylasy kezdesýden bas tartqan bolatyn. Sóıtip, ózbek boksshysy jalǵyz jekpe-jek ǵana ótkizip, týrnırdiń jeńimpazy atanǵan. Áýeli shırek fınalda otandasymyz Qamshybek Qońqabaev Jalolovpen qolǵap túıistirýden  bas tartty. Onyń sebebin Qazaqstan boks federaııasy túsindirgende boldy.

Qońqabaev jaraqatyna baılanysty jekpe-jekke shyqpady, — delingen habarlamada.

Odan keıin jartylaı fınalda Ázerbaıjan ókili Mahammad Abdýllaev, fınalda armenııalyq Davıt Chaloıan ózbek boksshysymen kezdesýden bas tartty.

Reseılik «neKARAte» Youtube-arnasynda shyqqan materıalǵa qaraǵanda, ózbek boksshysynyń qarsylastary aýyr jaraqat alýdan qaýiptenip, onymen judyryqtasqysy kelmegen.

Álbette, Jalolovqa qarsy shyqqandar odan jeńiledi. Jeńilgende jaraqat alyp utylady. Sondyqtan jattyqtyrýshylar óz sarbazdaryn qorǵap qaldy. «Strandja» týrnırinde qarjylaı júlde qory kóp emes. Sol úshin japa shekkileri kelmeıdi, — delingen vıdeoda.

Vıdeodan belgili bolǵandaı, Jalolovpen sparrıngke shyqqandar muryndaryn syndyryp jatady. Onyń soqqysynan keıin tereń uıqyǵa ketýge bolady. Sol úshin kóbisi bokstasýdan qashady. О́ıtkeni, jaraqat alýy múmkin.

Dastan KENJALIN,

ASTANA