رەسەي شاحماتشىلارى ازيا فەدەراتسياسىنىڭ قۇرامىنا كىردى

رەسەي شاحمات فەدەراتسياسى ەۋروپادان شىعىپ، ازيا فەدەراتسياسى قۇرامىنا قابىلداندى. بۇل تۋرالى تاسس حابارلادى.

بىرىككەن اراب امىرلىگىنىڭ استاناسىندا وتكەن ازيا شاحمات فەدەراتسياسى (ACF) باس اسسامبلەياسىنىڭ دەلەگاتتارى رەسەي شاحمات فەدەراتسياسىن ۇيىم قۇرامىنا قابىلداۋ ءۇشىن داۋىس بەردى.

قورىتىندىدا رەسەي شاحمات ۇيىمىن قابىلداۋدى 29 دەلەگات قولدادى. 1 ادام قارسى شىعىپ، 6 قاتىسۋشى قالىس قالدى.

رەسەي شاحمات فەدەراتسياسىنىڭ باقىلاۋ كوميتەتى ۇيىمنىڭ ACF-كە ءوتۋى جونىندەگى شەشىمىن 2022 جىلعى 14 ساۋىردە قابىلدادى. ال بيىلعى 22 اقپاندا حالىقارالىق شاحمات فەدەراتسياسى (FIDE) رەسەي ۇيىمىنىڭ ازيا فەدەراتسياسى قۇرامىنا ءوتۋ جونىندەگى شەشىمىن ماقۇلدادى.

FIDE 22 اقپاندا رەسەي جانە بەلارۋس سپورتشىلارىن بەيتاراپ مارتەبەمەن حالىقارالىق جارىستارعا قاتىسۋعا رۇقسات بەرىپ، ۋكرايناداعى سوعىسقا بايلانىستى بۇل ەكى ەلدە رەسمي شاحمات جارىستارىنىڭ وتكىزىلمەيتىنىن حابارلادى. الايدا 16 ناۋرىزدا FIDE كەڭەسى رەسەي مەن بەلارۋس قۇرامالارىنا ءوز ۇيىمىنىڭ اياسىندا وتەتىن جارىستارعا قاتىسۋعا تىيىم سالدى.

داستان كەنجالين،

استانا