الەمدىك گران-پري:  قازاقستان التىن مەدال جەڭىپ الدى

راۆيل مانسۇرباەۆ بىرىككەن اراب امىرلىكتەرىنىڭ دۋباي قالاسىندا جەڭىل اتلەتيكادان مۇگەدەك سپورتشىلار اراسىندا وتكەن الەمدىك گران-پري سەرياسىنىڭ F-46 كلاسىندا يادرو لاقتىرۋدان جەڭىمپاز اتاندى.

قازاقستان سپورتشىسى يادرونى 14،43 مەترگە لاقتىرىپ، ءبىرىنشى ورىننان كورىندى. ال قىتايلىق ۋەي ەنلونگ يادرونى 14،28 مەترگە ءتۇسىرىپ، ەكىنشى ورىندى يەلەنسە، 13،39 مەترگە يادرو لاقتىرعان كۋۆەيتتىك سپورتشى السالاح ابدۋللاح ءۇشىنشى ورىندى قاناعات تۇتتى.

جارىستا قازاقستاندىق سپورتشىلار وسىمەن ءۇش-مەدالدى يەلەندى.

بۇعان دەيىن نايزا لاقتىرۋدان رۋفات حابيبۋللين التىن مەدالدى جەڭىپ السا، يادرو لاقتىرۋدان داستان مۇقاشبەكوۆ گران-ءپريدىڭ كۇمىس جۇلدەگەرى اتانعان ەدى.

پارا جەڭىل اتلەتيكادان الەمدىك گران-پري سەرياسى دۋباي قالاسىندا 26 اقپان مەن 1 ناۋرىز ارالىعىندا ءوتتى. وعان الەمنىڭ 61 مەملەكەتىنەن 545 سپورتشى قاتىستى.

داستان كەنجالين،

استانا