SportPress.kz قازاقستان سپورت جاڭالىقتارى
ارگەنتينالىق فۋتبولشى ليونەل مەسسي الەم چەمپيونى اتانعان ۇلتتىق قۇرامانىڭ ويىنشىلارى مەن كوماندانىڭ قىزمەتكەرلەرىنە شامامەن 210 مىڭ دوللارعا 35 التىن iPhone سمارتفونىنا تاپسىرىس بەردى. بۇل تۋرالى The Sun حابارلادى.
ءاربىر تەلەفوندا ويىنشىنىڭ اتى، ءنومىرى جانە ارگەنتينانىڭ لوگوتيپى جازىلادى. باسىلىمنىڭ حابارلاۋىنشا، فۋتبولشى كاسىپكەر بەن لايونسپەن حابارلاسىپ، ەكەۋى بىرىگىپ ديزاين ويلاپ تاپقان.
ليونەل الەم چەمپيوناتىنىڭ فينالىنان كەيىن ءبىر-ەكى اي وتكەن سوڭ بىزگە حابارلاستى. ول بارلىق ويىنشىلار مەن كوماندانىڭ بارلىق قىزمەتكەرىنە جەڭىستىڭ قۇرمەتىنە ارنايى سىيلىق جاساعىسى كەلەتىنىن ايتتى، — دەدى iDesign Gold باس ديرەكتورى بەن ليونس.
ارگەنتينا قۇراماسى كاتاردا وتكەن الەم چەمپيوناتىن جەڭىپ العان ەدى. ال مەسسي چەمپيوناتتىڭ ۇزدىك ويىنشىسى بولدى.
داستان كەنجالين،
استانا
