«ازيا بالالارى» ويىندارى: ءبىر وتباسىنىڭ مۇشەلەرى جۇلدەگەر اتاندى

وسى كۇندەرى رەسەيدىڭ كەمەرەۆو وبلىسىندا قىسقى سپورت تۇرلەرىنەن ءوتىپ جاتقان ءىى «ازيا بالالارى» ويىندارىندا سوفيا شيشكينا شاڭعىمەن تۇعىردان سەكىرۋدە قولا جۇلدەگەر اتاندى. ول ك-40 ترامپلينىندە قوس جاتتىعۋدان 203 ۇپاي جينادى.

سوفيانىڭ اپكەسى ۆەرونيكا شيشكينا 2019 جىلى وڭتۇستىك ساحالين قالاسىندا وتكەن العاشقى «ازيا بالالارى» قىسقى ويىندارىندا شاڭعىمەن تۇعىردان سەكىرۋدە جەكەلەي سىندا جەڭىمپاز اتانعان بولاتىن. ەندى بۇل وتباسىندا «ازيا بالالارى» ويىندارىنىڭ ەكى جۇلدەگەرى بار.

ەسكە سالا كەتسەك، 2019 جىلى وتكەن العاشقى «ازيا بالالارى» ويىندارىنا قازاقستان قۇراماسى 74 سپورتشى اپارىپ، 7 التىن، 7 كۇمىس جانە 6 قولا مەدالمەن جەڭىپ العان ەدى.  سول كەزدە سپورتشىلارىمىز جالپى ەسەپتە 11 كوماندانىڭ ىشىندە 6-ورىننان كورىندى.

داستان كەنجالين،

استانا