SportPress.kz قازاقستان سپورت جاڭالىقتارى
Halyq Uni اگەنتتىگىنىڭ زەرتتەۋىنشە، 2022 جىلى قازاقستاندا رەسپۋبليكالىق جانە جەرگىلىكتى بيۋدجەتتەن سپورت سالاسىنا جالپى 356،1 ملرد تەڭگە قاراجات بولىنگەن.
«2022-2024 جىلدارعا ارنالعان رەسپۋبليكالىق بيۋدجەت تۋرالى» زاڭدا كورسەتىلگەندەي، 2022 جىلى:
«جوعارى دارەجەلى سپورت تۇرلەرىن دامىتۋعا» 81 ملرد تەڭگە;
«سپورتتاعى دارىندى بالالاردى وقىتۋ جانە تاربيەلەۋگە» 26 ملرد تەڭگە;
«بۇقارالىق سپورت پەن ۇلتتىق سپورت تۇرلەرىن دامىتۋعا» 1،4 ملرد تەڭگە بولىنگەن.
جەرگىلىكتى اكىمدىكتەر ارقىلى 247،7 ملرد تەڭگە بولىنگەن. بۇل تۋرالى جەرگىلىكتى اتقارۋشى ورگاندارعا جىبەرگەن رەسمي ساۋالعا بەرىلگەن جاۋاپتان بەلگىلى بولدى.
وڭىرلەرگە توقتالار بولساق، ەڭ كوپ استانا قالاسىنا (25،4 ملرد تەڭگە)، تۇركىستان وبلىسىنا (20،6 ملرد تەڭگە) جانە الماتى قالاسىنا (19،5 ملرد تەڭگە) بولىنگەن.
ەڭ از شىمكەنت قالاسىنا (3،7 ملرد تەڭگە)، باتىس قازاقستان وبلىسىنا 8،3 (ملرد تەڭگە) جانە سولتۇستىك قازاقستان وبلىسىنا (8،9 ملرد تەڭگە) بولىنگەن ەكەن. ۇلىتاۋ، جەتىسۋ مەن اباي وبلىستارىندا قاراجات از بولعانىمەن، بۇل وڭىرلەر جىل ورتاسىندا ءبولىنىپ شاققىندىقتان، تولىق ءبىر جىلدىق بيۋدجەتى بەلگىسىز.
قوعامدا سپورتتى دامىتۋعا بولىنگەن قاراجاتتىڭ شەتەلدىك لەگيونەرلەر كوپتەپ وينايتىن كاسىبي سپورتتىق كلۋبتارعا كەتىپ جاتقانى تۋرالى سىن كوپ. وسى ورايدا، رەداكتسيا ءار ءوڭىردىڭ فۋتبولدان قازاقستان پرەمەر-ليگاسى، ءبىرىنشى ليگاسى جانە ەكىنشى ليگاسىندا وينايتىن كلۋبتارعا قانشا قاراجات بولەتىنىن دە ارنايى سۇراتتى. بەلگىلى بولعانداي، جەرگىلىكتى بيۋدجەتتەن كاسىبي فۋتبول كلۋبتارىنا 19،5 ملرد تەڭگە بولىنگەن. بۇدان بولەك، مىسالى، «استانا» فۋتبول كلۋبىنا «سامۇرىق-قازىنا» ۇلتتىق ءال-اۋقات قورىنان بولىنەتىن مەملەكەت قاراجاتى تاعى بار.
ايتا كەتەرلىگى، بۇل ماتەريالدا فۋتبولدان بولەك، استانالىق «بارىس»، قاراعاندىلىق «سارىارقا» سەكىلدى حوككەي كلۋبتارى، «استانا» باسكەتبول كلۋبتارى سەكىلدى ۇجىمداردى ەسەپتەمەدىك.
وڭىرلەر ىشىندە فۋتبول كلۋبتارىنا ەڭ كوپ قاراجات بولەتىندەر تۇركىستان وبلىسى (3،3 ملرد تەڭگە) مەن اتىراۋ وبلىسى (1،3 ملرد تەڭگە). سەگىز ءوڭىر 1،2 ملرد تەڭگەدەن بولسە، ءۇش ءوڭىر 1،1 ملرد تەڭگەدەن، تاعى ءۇش ءوڭىر 1 ملرد تەڭگەدەن از بولسە، ءتورت ءوڭىر قاراجات قاراستىرماعان.
| 2022 جىلى جەرگىلىكتى بيۋدجەتتەن جالپى سپورتقا جانە كاسىبي سپورتتىق كلۋبتارعا بولىنگەن قاراجات | ||
|
ءوڭىر |
جالپى سپورتقا بولىنگەن قاراجات، تەڭگە | سونىڭ ىشىندە فۋتبولدان پرەمەر-ليگا، ءبىرىنشى جانە ەكىنشى ليگا كلۋبتارىنا، تەڭگە |
| استانا قالاسى | 25،4 ملرد | بولىنبەگەن |
| الماتى قالاسى | 19،5 ملرد | 720 ملن («قايرات» فك) |
| شىمكەنت قالاسى | 3،7 ملرد | 1،2 ملرد («ورداباسى» فك) |
| اباي وبلىسى | 3،6 ملرد (قىركۇيەك-جەلتوقسان) | بولىنبەگەن |
| اقمولا وبلىسى | 11،1 ملرد | 1،1 ملرد («وقجەتپەس» فك) |
| اقتوبە وبلىسى | 12،6 ملرد | 1،2 ملرد («اقتوبە» فك) |
| الماتى وبلىسى | 17،2 ملرد | بولىنبەگەن |
| اتىراۋ وبلىسى | 13،5 ملرد | 1،3 ملرد («اتىراۋ» فك) |
| باتىس قازاقستان وبلىسى | 8،3 ملرد | 1،1 ملرد («اقجايىق» فك) |
| جامبىل وبلىسى | 12،5 ملرد | 1،2 ملرد («تاراز» فك) |
| جەتىسۋ وبلىسى | 11،4 ملرد | 1،1 ملرد («جەتىسۋ» فك) |
| قاراعاندى وبلىسى | 14،1 ملرد | 1،2 ملرد («شاحتەر» فك) |
| قوستاناي وبلىسى | 13،7 ملرد | 1،2 ملرد («توبىل» فك) |
| قىزىلوردا وبلىسى | 14،5 ملرد | 605 ملن («قايسار» فك) |
| ماڭعىستاۋ وبلىسى | 10،9 ملرد | 1،2 ملرد («كاسپي» فك) |
| پاۆلودار وبلىسى | 13 ملرد | 1،2 ملرد («اقسۋ» فك) |
| سولتۇستىك قازاقستان وبلىسى | 8،9 ملرد | 1،2 ملرد («قىزىلجار» فك) |
| تۇركىستان وبلىسى | 20،6 ملرد | 760 ملن – «ماقتاارال» فك;
1،6 ملرد – «تۇران» فك; 360 ملن – «قىران» فك; 188 ملن – «ياسسى» فك; 212 ملن – «ارىس» فك; 185 ملن – «توميريس تۇران-تۇركىستان» فك |
| ۇلىتاۋ وبلىسى | 1،7 ملرد | بولىنبەگەن |
| شىعىس قازاقستان وبلىسى | 11،5 ملرد | 627 ملن |
| بارلىعى | 247،7 ملرد | 19،5 ملرد تەڭگە |
باۋىرجان مۇقانوۆ،
استانا
