Astanada bılıardtan Joldasbek Dýanabaı atyndaǵy týrnır ótedi

Erteń, 4 naýryz kúni Astanada AIQYN, «Lıter» jáne Turkistan gazetteriniń uıymdastyrýymen zııaly qaýym men BAQ qyzmetkerleri arasynda Joldasbek Dýanabaı atyndaǵy dástúrli bılıard týrnıri ótedi.

Joldasbek Dýanabaıdyń esimi qalyń oqyrmanǵa belgili. Ol qazaq basylymdaryna eleýli eńbek sińirgen belgili jýrnalıst, B.Bulqyshev atyndaǵy syılyqtyń laýreaty, mádenıet qaıratkeri bolǵan.

Týrnırge 50-den asa adam qatysady. Olar eki sanat boıynsha baq synaıdy. Ár sanatqa úsh baǵaly júldeden taǵaıyndalǵan. Odan bólek, belsendi qatysýshylarǵa arnaıy syılyqtar beriledi.

Týrnırdiń bas tóreshisi – QR Joǵary ulttyq dárejedegi tóreshi Nesip Júnisbaıuly.

Týrnırdiń ótetin orny: Astana qalasy, Qajymuqan kóshesi, 3-úı, «Zodıak» bılıard klýby.

Bastalýy: 09:00

Dastan KENJALIN,

ASTANA