Sápıev balýanǵa jasalǵan «qysymǵa» qatysty pikir bildirdi

Bokstan Olımpıada chempıony Serik Sápıev elden balýan Zelımhan Mýsıhanovpen janjaldy umytýdy surady.

Osynyń aldynda boksshy Aıda Satybaldınova Sápıevpen janjaldan keıin Mýsıhanovqa qysym jasalǵanyn, onyń kolledjden shyǵarylyp jiberilgenin aıtqan edi.

Sápıevtiń ózi bul týraly bylaı dedi:

Bul týraly men birinshi ret estip otyrmyn. Onyń otbasyna qatysty aqparattan da beıhabarmyn. Men qandaıda bir qysymǵa qarsymyn. Elden osy áńgimeni aıta bermeýin suraımyn. Bul oqıǵa ótti, ketti. Ony endi aıta bereıik. Sport degen – emoııa.  Kez kelgen adam ashýǵa beriledi. Al jas jigitterge tek sáttilik tileımin, — dedi Serik Sápıev.

Eske sala ketsek, vatyrball oıyny (sporttan kúres pen basketboldyń aralas túri, – red.) kezinde Serik Sápıev balýan Zelımhan Mýsıhanovpen ustasyp qalǵan edi. Sodan keıin ekeýiniń arasynda tóbeles bola jazdap, ekeýi kıim aýystyratyn bólmede qol alysyp, bir-birinen keshirim suraǵan. Keıin Zelımhan Mýsıhanov pen onyń jattyqtyrýshysy Aleksandr Golman kópshilikten keshirim surap, beınejazba jarııalady.

Dastan KENJALIN,

ASTANA