SportPress.kz قازاقستان سپورت جاڭالىقتارى
قازاقستاننىڭ ءبىرىنشى راكەتكاسى ەلەنا رىباكينا ينديان-ۋەللس WTA 1000 ءتۋرنيرىنىڭ جەڭىمپازى اتانعان سوڭ، 1 ملن دوللار جۇلدە جەڭىپ الدى.
ول فينالدا الەمنىڭ ەكىنشى راكەتكاسى، بەلارۋس وكىلى ارينا سوبولەنكومەن كەزدەسىپ، ەكى ساعاتتان استام ۋاقىتقا سوزىلعان سىندا قارسىلاسىن 7:6 (13:11)، 6:4 ەسەبىمەن ۇتتى.
ءسويتىپ، العاش رەت WTA 1000 جارىسىنىڭ جەڭىمپازى اتانعان ەلەنا رىباكينا ارينا سوبولەنكودان اۆستراليا اشىق چەمپيوناتىنىڭ فينالىندا كەتكەن ەسەنى قايتاردى.
مەن عاجاپ اسەر الدىم. بۇل ەكى اپتا ءبىر جاعىنان قيىن بولدى. ەكىنشى جاعىنان الىپ قاراعاندا، مەن ءۇشىن ءساتتى ءوتتى. فينالدا ءبىرىنشى سەتتە ەكەۋمىزدە دە مۇمكىندىكتەر بولدى. اقىرىندا تارازى باسى ماعان اۋدى. ءبىرىنشى سەتتەن كەيىن كىشكەنە جەڭىلدەدى دەپ ويلايمىن. تاي-برەيك قاتەلىكتەرمەن دە ەستە قالدى. جۇيكەگە دە سالماق ءتۇستى. ءار ۇپاي ءۇشىن اياعىنا دەيىن كۇرەسۋگە تۋرا كەلدى. ءبىزدى قولداعانداردىڭ بارىنە ۇلكەن العىسىمدى ايتقىم كەلەدى. ارينانى دا تاماشا ونەرىمەن قۇتتىقتايمىن! مۇنداي فينالداردا ءالى دە وينايمىز. مەن كەلەسى جىلى دا كەلىپ، ءوز جەتىستىگىمدى قايتالاۋعا دايىنمىن، — دەدى ەلەنا.
ول ءتۋرنيردى ۇيىمداستىرۋشىلارعا، دەمەۋشىلەرگە، ديرەكتورلارعا، ەڭ باستىسى، ءوز كومانداسىنا ريزاشىلىعىن ءبىلدىردى.
داستان كەنجالين،
استانا
