الماتىدا ستۋدەنتتەر سپارتاكياداسى اياقتالدى

«اسا بايلىق نە كەرەك دەنساۋلىعىڭ بولماسا»، دەگەن اتالى ءسوزدىڭ ماعىناسىنا ءمان بەرسەك، دەنساۋلىقتىڭ  قادىرىن كەي كەزدە كەش ءبىلىپ، سونىڭ زاردابىن تارتىپ جاتامىز.  اۋىرىپ ەم ىزدەگەنشە، اۋىرماۋدىڭ جولىن ىزدەۋدى كەيدە ۇمىتاتىنىمىز تاعى بار.

اۋىرماۋ ءۇشىن سپورتتىڭ، دەنە قيمىلىنىڭ  ادام ومىرىندە الار ورنى ەرەكشە ەكەنى جاقسى بىلەمىز.  «ادام دەنەسىنىڭ جەتىلۋى  ونىڭ دەنساۋلىعى. ەگەر دەنىڭ ساۋ بولسا، وندا ونى ساقتاماق كەرەك، ال ەگەر ساۋ بولسا، وندا دەندى ساۋىقتىرۋ كەرەك»، دەپ دەنساۋلىقتىڭ قادىرى تۋرالى ۇلى شىعىستىڭ ويشىلى  ءال-فارابي اسقان  بىلگىرلىكپەن ايتقان ەكەن. وتكەن سەنبىدە سپورت كۇنىنە وراي، ەلىمىزدىڭ ءار ايماعىندا دەنساۋلىقتى جاقسارتۋعا ارنالعان كوپتەگەن شارالار ۇيىمداستىرىلدى. سونداي اۋقىمدى سپورت مەرەكەسىنىڭ ءبىرى اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە بولىپ ءوتتى. «دەنساۋلىق كۇنى» سپارتاكياداسى دەپ اتاۋ العان بۇل جارىس «سپارتاك» ستاديونىندا ۇيىمداستىرىلىپ، مەرەكەلىك كوڭىل-كۇيمەن جالعاستى.

جارىستىڭ  سالتاناتتى اشىلۋىندا ءسوز سويلەگەن ۋنيۆەرسيتەت رەكتورى تاحير وسپان ۇلى بالىقباەۆ:«سپورتتىڭ قوعامدا اسىرەسە، ستۋدەنتتەر اراسىندا الار ورنى ەرەكشە» ەكەنىن ايىرىقشا اتاپ ءوتتى. راسىمەن دە دەنى ساۋ ۇرپاقتى تاربيەلەۋ ەلىمىزدەگى جوعارى وقۋى ورىندارىنىڭ العا قويعان نەگىزگى ماقساتتارىنىڭ ءبىرى.

جاستار — ءبىزدىڭ  بولاشاعىمىز دەسەك سول جاس بۋىننىڭ وتان قورعايتىن قايراتى كەمەل، سانالى ازامات بولىپ ءوسۋ ءۇشىن بىلىمىمەن قوسا سپورتتى بىرگە قوسا الىپ جۇرگەندە عانا قۋاتتى قوعام قالىپتاستىنى بەلگىلى. وسى ورايدا، سپورت كۇنىنە وراي ۇيىمداستىرىلىپ وتىرعان  دۇبىرلى دە دۋماندى شارا ۇلكەن اسەر قالدىردى.

بۇل  كۇنى سپورت الاڭىنىڭ ءار بۇرىشىندا تارتىستى سپورت باسەكەلەرى قىزۋ جالعاستى.  نەگىزى  اتالعان سپارتاكيادا ۋنيۆەرسيتەتتىڭ وقىتۋشى پروفەسسور  ۇستازدارى، قىزمەتكەرلەر قۇرمالارى مەن   ستۋدەنتتەر قۇرامالارى  اراسىندا وربىگەن ەدى. ايتالىق، 50-دەن اسا ۇستازدار مەن قىزمەتكەرلەر سپورتتىڭ شاحمات، ۇستەل تەننيسى، ۆولەيبول، جەڭىل اتلەتيكا تۇرلەرىنەن كۇشتەرىن سىناپ كورسە، 900  ستۋدەنت قازاق كۇرەسى، شاعىن فۋتبول، قول كۇرەستىرۋ، توعىزقۇمالاق، ۇستەل تەننيسى جانە جەڭىل اتلەتيكا  سەكىلدى جارىستاردا جەڭىس ءۇشىن جان اياماي شەبەرلىكتەرىن كورسەتتى.

جۋىردا تالدىقورعان قالاسىندا ستۋدەنت جاستار اراسىندا رەسپۋبليكالىق سپارتاكيادا جالاۋىن كوتەرگەنى بەلگىلى. سول بايراقتى باسەكەگە اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ تالانتتى ستۋدەنت  جاستارى دا جەڭىس جولىندا ءوز ونەرلەرىن كورسەتۋدە. سونداي ەل بىرىنشىلىگىندە  ۋنيۆەرسيتەت نامىسىن قورعايتىن دارىندى جاستار وسىنداي ىشكى جارىستاردا سۋىرىلىپ شىعىپ كوزگە ءتۇسۋ كەرەك ەكەندىگىن جاقسى بىلەدى. سوندىقتان دا قالايدا وزىپ العا شىعىپ جەڭىسكە جەتۋدىڭ باعاسى وتە زور. اباي اتىنداعى قازاق ۇلتتىق پەدوگوگيكالىق ۋنيۆەرسيتەتىنىڭ  ساۋىقتىرۋ دەنە مادەنيەتى كافەداراسىنىڭ مەڭگەرۋشىسى امانتاي قاراقوۆتىڭ  قاراماعىندا جاتتىعاتىن شاكىرتتەرى قالارالىق سايىستاردا تابىستى ونەرلەرىمەن ۋنۆەرسيتەت اتىن بارىنشا تانىتىپ كەلەدى. سول سەبەپتى  ستۋدەنتتەر ءۇشىن تاجىربيەلەرىن شىڭداي تۇسۋگە وسىنداي تارتىستى ىشكى سپارتكيادانىڭ بەرەرى مول.

سونىمەن جارىس قورتىندىسى بويىنشا، cتۋدەنتتەر اراسىندا 1-ورىندى فيلولوگيا جانە كوپ ءتىلدى ءبىلىم بەرۋ نيستيتۋتى، 2-ورىندى ماتەماتيكا ينفورماتيكا جانە فيزيكا ينيستيتۋتى، 3-ورىندى ونەر مادەنيەتى جانە سپورت ينستيتۋتى جەڭىپ السا، قىزمەتكەرلەر مەن پروفەسسور وقىتۋشىلار قۇرامالارى اراسىندا 1-ورىندى  ونەر مادەنيەتى جانە سپورت ينستيتۋتى، 2-ورىندى جاراتىلىستانۋ جانە گەوگرافيا ينستيتۋتى جانە فيزيكا ينستيتۋتى ۇزدىك شىعىپ، ۋنيۆەرسيتەتتىڭ ازىرلەگەن قۇرمەت ماراپاتتارىنا يە بولدى. سونىمەن بىرگە جارىس سوڭىندا ءار سپورت تۇرلەرىنەن توپجارىپ كوپشىلىكتىڭ ريزاشىلىعىنا بولىنگەن ستۋدەنتتەردە  ايىرىقشا اتالىپ ءوتتى.

قوڭىر كۇزدىڭ شۋاقتى ءبىر كۇنىندە وتكەن الامان سپورت ويىندارى تاماشا كوڭىل-كۇيمەن مارەسىنە جەتتى. جالپى، «دەنساۋلىق كۇنى» سپارتاكياداسى جالپى سالاماتتى ءومىر ءسۇرۋ جانە  سپورتتىڭ دەنساۋلىققا قانشالىقتى پايدالى اسەر ەتەتىگىندىگىنە تارتىستى وتكەن كەزدەسۋلەر ارقىلى كوز جەتكىزدى دەپ تولىقتاي سەنىممەن ايتۋعا بولادى.

« ءبىزدىڭ باقىتىمىزدىڭ وننان توعىزى دەنساۋلىعىمىزعا بايلانىستى»، دەگەن ەكەن ا.شوپەنگاۋەر. ەندەشە سول باقىتىمىزدى دەنساۋلىعىمىزدان تابۋ ءۇشىن، وسىنداي  پايداسى شەكسىز سپورت شارالارىنا بەلسەنە قاتىسا وتىرىپ، سالاۋاتتى ءومىر سۇرۋگە ەرەكشە ءمان بەرگەنىمىز ءلازىم.

اقىن ورداباي ۇلى،

الماتى