Qazaqstan boksshylary IBA-dan 200 myń dollar syıaqy alady

Bokstan Qazaqstan áıelder quramasy Úndistannyń astanasy — Delıde ótken álem chempıonatyn aıaqtady.

Osy jarysta áıelder quramasy 2 kúmis pen 4 qola júlde aldy. Osylaısha, bas bapker Shámil Safıýllın shákirtteri shet eldegi jarystarda medal sany jaǵynan úzdik nátıje kórsetip, sońǵy 7 jylda bolmaǵan jetistikke jetti. Sondaı-aq júlde sany jaǵynan jalpy esepte Qytaıdan keıin ekinshi orynǵa ıe boldy.

Qazaqstan quramasy sapynda Delıde sońǵy bolyp rıngke shyqqan asa aýyr salmaqtaǵy (+81 kg) álem chempıony Ləzzat Kúngeıbaeva əlem chempıonatynyń eki dúrkin júldegeri, marokkolyq Hadıdje Ál-Mardımen kúsh synasyp, tájirıbeli qarsylasyna ese jiberdi. Osy salmaqtaǵy basty favorıttiń birimen kezdeskenine qaramastan otandasymyz qolda bar múmkindiktiń bárin jasady. Alaıda, osy joly marokkolyq boksshynyń boldy.

Biz Úndistanǵa altyn medal úshin keldik. Biraq degenimizge jete almadyq. Sál sáttilik jetispedi. Bul biz úshin sabaq boldy. Endi Qytaıda ótetin Azııa oıyndarynda qatelikterdi qaıtalamaımyz. Bar sheberligimizdi kórsetýge tyrysamyz, — dedi Shámil Safıýllın.

Al Qazaqstan boks federaııasynyń atqarýshy dırektory Maratbek Myqtybekovtyń aıtýynsha, jalpy nátıje áıelder quramasy úshin kóńili kónshiterlik.  Qurama 6 medal jeńip aldy. Dese de áli tynbaı jumys isteý kerek. Alda Azııa oıyndary kele jatyr. Ol synda  boksshylar barynsha kóbirek Olımpıada joldamasyn alý kerek.

Bıylǵy álem chempıonatynda Ləzzat Kúngeıbaevadagn basqa kúmis medaldi Karına Ibragımova (57 kg) ıelendi. Alýa Balqybekova (48 kg), Nadejda Rıabe (66 kg), Valentına Halzova (75 kg) men Farıza Sholtaı (81 kg) qola júldeger atandy. Jalpy esepte Úndistan 4 altyn júldemen kósh bastasa, Qytaı 3 altyn, 1 kúmis, 3 qola medalmen ekinshi oryn aldy. Úzdik úshtikti Reseı túıindedi. Reseılikter 1 altyn, 1 kúmis jáne 1 qola júldege ıe boldy. Al Qazaqstanquramasy segizinshi orynǵa ornalasty.

Qazaqstan quramasynyń alty júldesi — 2016 jyldan beri bolmaǵan úzdik kórsetkish. Sol kezde Astanada ótken chempıonatta boksshy qyzdar 4 altyn jáne 2 qola jeńip alǵan bolatyn. Al odan keıingi úsh birdeı álem chempıonatynda bir kúmis  júlde ǵana ala aldy. Osylaısha, bokstan áıelder quramasy sońǵy 7 jylda bolmaǵan jetistikke jetti.

Sportshylar utyp alǵan medal úshin Halyqaralyq boks qaýymdastyǵynan (IBA) barlyǵy 200 myń dollar (kúmis – 50 myń dollar, qola – 25 myń dollar) alady.

Bokstan Qazaqstan ulttyq quramasy, jattyqtyrýshylar shtaby jáne Qazaqstan boks federaııasynyń ókilderi Delıden (KC 908 – JSC AIR ASTANA) Almaty halyqaralyq áýejaıyna 27 naýryzda, elorda ýaqyty boıynsha saǵat 15:20-da tikeleı reıspen ushyp keledi.

Shamken BAIYRBEK,

ASTANA

FOTO: Mádenıet jáne sport mınıstrliginiń Sportty damytý dırekııasy