SportPress.kz قازاقستان سپورت جاڭالىقتارى
ەۋروپانىڭ فۋتبول قاۋىمداستىعى (ۋەفا) قازاقستان ۇلتتىق قۇراماسىنىڭ كاپيتانى اسحات تاعىبەرگەننىڭ ەۋروپا چەمپيوناتى ىرىكتەۋ ءتۋرنيرىنىڭ ەكىنشى تۋرىندا دانيا كومانداسىنىڭ قاقپاسىنا سالعان گولىن ۇزدىكتەر نوميناتسياسى قاتارىنا قوستى.
قازىر ۋەفا-نىڭ سايتىندا ەكىنشى تۋراداعى ۇزدىك گولعا داۋىس بەرىلىپ جاتىر. ۇزدىك گول نوميناتسياسىنا ۇمىتكەرلەر قاتارىندا انگليالىق بۋكايو ساكا، بەلارۋستىك ۆلاديسلاۆ موروزوۆ پەن رۋمىنيالىق اندرەي بۋركە بار. ازىرشە اسحات تاعىبەرگەن مەن ۆلاديسلاۆ موروزوۆ الدا كەلەدى. ولاردىڭ ارقايسىسىندا 86 داۋىس بار. بۋكايو ساكاعا 40 داۋىس بەرىلگەن. اندرەي بۋركە 19 داۋىس جيناپ وتىر.
ەسكە سالساق، 26 ناۋرىزدا قازاقستان قۇراماسى دانيا كومانداسىن 0:2 ەسەبىمەن جەڭىلىپ جاتىپ، قارسىلاستار قاقپاسىنا ءۇش گول سالىپ، 3:2 ەسەبىمەن جەڭگەن ەدى. اسحات تاعىبەرگەننىڭ الىستان اۋەلەتە تەپكەن دوبى ويىندا تارازى باسىن تەڭەستىرۋگە مۇمكىندىك بەردى.
داستان كەنجالين،
استانا
