فۋتبولدان قازاقستان قۇراماسى ۇزدىك اتاندى

ەۋروپانىڭ فۋتبول قاۋىمداستىعى (ۋەفا) قازاقستان ۇلتتىق قۇراماسىن دانيا كومانداسىن 3:2 ەسەبىمەن جەڭگەننەن كەيىن 2024 جىلى وتەتىن ەۋروپا چەمپيوناتى ىرىكتەۋ ءتۋرنيرى ەكىنشى تۋرىنىڭ ۇزدىك قۇراماسى دەپ تانىدى.

ال ۇلتتىق قۇراما كاپيتانى اسحات تاعىبەرگەننىڭ دانيا كومانداسىنىڭ قاقپاسىنا سالعان گولىن اۋەلى ۇزدىك گول نوميناتسياسى قاتارىنا قوستى. ودان كەيىن ول داۋىس بەرۋدىڭ ناتيجەسىندە ەكىنشى تۋردىڭ ۇزدىك گولى دەپ اتالدى. سونىمەن بىرگە ۇلتتىق قۇراما حالىقارالىق فۋتبول قاۋىمداستىقتارىنىڭ فەدەراتسياسى (FIFA) جاريالاعان الەمدىك رەيتينگتە 112-ورىنعا كوتەرىلدى.

بيىل ماگومەد اديەۆ جاتتىقتىراتىن قازاقستان قۇراماسى ەۋروپا چەمپيوناتى ىرىكتەۋ تۋرنيرىندە ەكى ماتچ وتكىزدى. العاشقى ماتچتا سلوۆەنيادان 1:2 ەسەبىمەن جەڭىلگەنمەن، كەيىن «استانا-ارەنادا» 0:2 ەسەبىمەن ۇتىلىپ جاتىپ، دانيانى 3:2 ەسەبىمەن جەڭدى.

داستان كەنجالين،

استانا