IBA بوكستان الەم چەمپيوناتىنا قاتىستى شەشىم قابىلدادى

حالىقارالىق بوكس قاۋىمداستىعى (IBA) 30 ءساۋىر مەن 14 مامىر ارالىعىندا وزبەكستاننىڭ تاشكەنت قالاسىندا وتەتىن الەم چەمپيوناتىنا قاتىساتىن شەشىم قابىلدادى. قاۋىمداستىق بويكوت جاريالاعان ەلدەردىڭ نارازىلىعىنا قاراماستان الەم چەمپيوناتىنىڭ ۋاقىتىندا بولاتىنىن حابارلادى.

بۇل سىنعا قازاقستان قۇراماسى دا قاتىسادى. جالپى، دودادا 104 ەلدىڭ بوكسشىلارى كۇش سىناسادى. قازىر 640 بوكسشى تىركەلىپ وتىر. ولار 13 سالماق بويىنشا قولعاپ تۇيىستىرەدى. الايدا IBA تىركەۋدى 14 ساۋىرگە دەيىن جالعاساتىراتىنىن حابارلادى.

الەم چەمپيوناتىنىڭ جالپى جۇلدە قورى – 5،2 ملن دوللار. ءار سالماقتاعى چەمپيونعا التىن جۇلدەمەن بىرگە 200 مىڭ دوللار تابىس ەتىلەدى. كۇمىس جۇلدەگەرلەرگە 100 مىڭ جانە قولا جۇلدەگە 50 مىڭ دوللار بەرىلەدى.

داستان كەنجالين،

استانا