دوپينگ داۋى: ازيا چەمپيوناتىنىڭ جۇلدەگەرى جارىستان شەتتەتىلدى

بوكستان قازاقستان قۇراماسىنىڭ مۇشەسى، 2022 جىلعى ازيا چەمپيوناتىنىڭ قولا جۇلدەگەرى ءساماتالى تولتاەۆ دوپينگ داۋىنا بايلانىستى كوماندادان شەتتەتىلدى. بۇل تۋرالى باس جاتتىقتىرۋشى مىرزاعالي ايتجانوۆ تا ايتتى.

Bassport.kz-قا بەرگەن سۇحباتىندا مىرزاعالي ايتجانوۆ ۇلتتىق قۇراماعا باس جاتتىقتىرۋشى بولىپ قايتا كەلگەندە قايتادان دارىگەرلەردى، عىلىمي كەشەندى توپ قىزمەتكەرلەرىن جيناپ، جۇمىس ىستەي باستاعانىن، سول كەزدە ولار بوكسشىلارعا دوپينگ تۋرالى ەسكەرتۋ جاساعانىن اتاپ ءوتتى.

ءبىز ءتىپتى، كوشەدەن سۋ ىشۋگە بولمايتىنىن دا ەسكەرتەمىز. ال ءساماتالى دوستارىنىڭ، تانىستارىنىڭ ايتۋىمەن ۆيتامين ىشەمىن دەگەن ويدا بولعان. ەندى ودان ەكىنشى سىناما الىنادى. ءبارىن حالىقارالىق كوميسسيا شەشەدى، — دەدى باس جاتتىقتىرۋشى.

ونىڭ ايتۋىنشا، قازىر ءساماتالى تولتاەۆ ۇيىنە قايتتى. جاتتىعۋ جيىندارىندا جوق. بوكسشىلار ماماندار مەن دارىگەرلەردىڭ باقىلاۋىندا.

داستان كەنجالين،

استانا