Dopıng daýy: Azııa chempıonatynyń júldegeri jarystan shettetildi

Bokstan Qazaqstan quramasynyń múshesi, 2022 jylǵy Azııa chempıonatynyń qola júldegeri Samatáli Tóltaev dopıng daýyna baılanysty komandadan shettetildi. Bul týraly bas jattyqtyrýshy Myrzaǵalı Aıtjanov ta aıtty.

Bassport.kz-qa bergen suhbatynda Myrzaǵalı Aıtjanov ulttyq quramaǵa bas jattyqtyrýshy bolyp qaıta kelgende qaıtadan dárigerlerdi, ǵylymı keshendi top qyzmetkerlerin jınap, jumys isteı bastaǵanyn, sol kezde olar boksshylarǵa dopıng týraly eskertý jasaǵanyn atap ótti.

Biz tipti, kósheden sý ishýge bolmaıtynyn da eskertemiz. Al Samatáli dostarynyń, tanystarynyń aıtýymen vıtamın ishemin degen oıda bolǵan. Endi odan ekinshi synama alynady. Bárin halyqaralyq komıssııa sheshedi, — dedi bas jattyqtyrýshy.

Onyń aıtýynsha, qazir Samatáli Tóltaev úıine qaıtty. Jattyǵý jıyndarynda joq. Boksshylar mamandar men dárigerlerdiń baqylaýynda.

Dastan KENJALIN,

ASTANA