«Janqosh Turarovqa qatysty daý shyqty»: boksshy sot aldynda jaýap berdi

 IBO tujyrymy boıynsha jartylaı orta salmaqtaǵy álem chempıony Janqosh Turarov taǵy da sot aldynda jaýap berdi, dep habarlady «Súıekten ur» telegram-arnasy.

2018 jyly ol Sky Bar-daǵy atystan keıin bolǵan tóbeleske baılanysty sotqa qatysty. Bul joly bári jaqsy aıaqtaldy. 2021 jyly Janqosh Turarovtyń sot oryndaýyshyny qorqytqany týraly aqparat tarady. О́tken jyly  jol apatyna tústi, kóligimen basqa kólikti soǵyp ketti. Sotqa boksshy beınebaılanys arqyly qatysty. Sottyń málimetinshe, ol kezde sportshy «ýaqytsha jumyssyz» bolǵan. Sondyqtan da, oǵan qatal úkim shyǵarylmaǵan sekildi. 61 260 teńge kóleminde aıyppul salyndy, — dep jazady derekkóz.

Eske sala keteıik, naýryzda Turar meksıkalyq  Alehandro Menesesti jeńdi. Jekpe-jek 12 raýndqa eseptelgenmen, 10 raýndta qarylasynyń kózinen qan aǵyp ketti. Dárigerler ruqsat bergenimen, boksshynyń komandasy aıqasty jalǵastyrýdan bas tartty. Sóıtip, qazaqstandyq boksshy tehnıkalyq nokaýtpen jeńiske jetti.

Turarov úshin bul 27-jeńis boldy. Ol  jartylaı orta salmaqta IBO tujyrymy boıynsha álem chempıony atandy.

Keıin Turarovtyń jekpe-jegin uıymdastyrǵan Movida Promotions promoýterlik kompanııasy lıenzııasynan aıyryldy.

Boksshynyń ózi tıtýlynan aıyrylǵan joq.