Qazaqstan quramasy grek-rım kúresinen Ispanııada jeńiske jetti

Ispanııanyń La-Nýsııa qalasynda kúres túrlerinen ótip jatqan halyqaralyq týrnırde  grek-rım kúresinen Qazaqstan erler quramasy 12 júlde adyp, jalpykomandalyq esepte birinshi oryndy ıelendi.

Onyń jeteýi altyn, tórteýi kúmis jáne bireýi qola medal.

Jarysta óz salmaq dárejelerinde Erbol Kamalıev (55 kg), Azamat Qurman (60 kg), Erjet Jarylqasyn (63 kg), Sultan Ásetuly (67 kg), Omar Sataev (77 kg), Maqsat Saılaý (87 kg), Asylbek Ábdiqalyq (130 kg) týrnır jeńimpazy atandy.

Kúmis júldege Asaýhat Muhamadıev (63 kg), Ersin Abyır (55 kg), Dáýlet Jalǵasov (77 kg), Erzat Erlanov (97 kg) ıe boldy.

Qola medaldy Erasyl Mamyrbekov (55 kg) ıelendi.

Sondaı-aq áıelder kúresinen balýandar 8 altyn, 2 kúmis medalmen ekinshi oryn aldy.

50 kg salmaqtaǵy Ellada Mahıaddınova, Aıajan Markasheva (53 kg), Aınur Áshimova (55 kg), Nılýfar Raımova (57 kg), Gúldana Bekesh (59 kg), Tynys Dýbek (62 kg), Albına Qaıyrgeldınova (65 kg) jáne Anastasııa Panasovıch (72 kg) jeńimpaz atandy. Qorjynymyzǵa túsken eki kúmis medaldy Irına Kýzneova (62 kg) men Ińkár Janataeva (76 kg) jeńip aldy.

Dastan KENJALIN,

ASTANA