Бокстан әлем чемпионатының кестесі жарияланды

Өзбекстанның астанасы – Ташкент қаласында 1-14 мамыр аралығында өтетін бокстан ерлер арасындағы әлем чемпионатының кестесі жарияланды.

30 сәуірде жеребе тарту (Астана уақыты бойынша сағат 17.00-18.00) және турнирдің салтанатты ашылу рәсімі (сағат 20.00-22.00) өтеді.

1-10 мамыр аралығында алдын ала жекпе-жектер болады. Күндізгі сессия 14.00-де, кешкі сессия 19.00-де басталады.

Жартылай финалдық кездесулер 12 мамырда өтеді (15.00-18.00, 19.00-22.30).

13 және 14 мамырда финал болады (сағат 18.00-де).

Дастан КЕНЖАЛИН,

АСТАНА