ورتالىق ازيا چەمپيوناتىنا قاتىساتىن قۇرامالار انىقتالدى

جاقىن ارادا ورتالىق ازيا فۋتبول قاۋىمداستىعى تاشكەنت پەن بىشكەكتە العاش رەت ۇلتتىق قۇراما كوماندالاردىڭ قاتىسۋىمەن CAFA Nations Cup ءتۋرنيرىن وتكىزەدى.

ەرتەڭ، 26 ساۋىردە حالىقارالىق ءتۋرنيردىڭ جەرەبە تارتۋ تارتۋ ءراسىمى وتەدى. جارىسقا بارلىعى 7 ۇلتتىق قۇراما قاتىسادى. ونىڭ ىشىندە ومان دا تۋرنير قوناعى رەتىندە شاقىرىلعان.

كوماندالار فيفا رەيتينگى بويىنشا 4 سەبەتكە ءبولىندى. وزبەكستان قۇراماسى ءبىرىنشى قورجىننان ورىن الىپ، الاڭ يەسىنىڭ ءبىرى رەتىندە «ا» توبىندا وينايدى. ونىمەن بىرگە ءبىرىنشى سەبەپتە يران قۇراماسى بار.

ەكىنشى قورجىنعا  ۆ توبىنىڭ يەسى – قىرعىزستان مەن تاجىكستان كوماندالارى ءتۇستى. ءۇشىنشى سەبەتتە تۇركىمەنستان مەن اۋعانستان، ءتورتىنشى سەبەتتە ءتۋرنيردىڭ قوناعى ومان ەلىنىڭ فۋتبولشىلارى بار.

جەرەبەدە وسى ەلدەردىڭ ۇلتتىق قۇرامالارى ەكى توپقا ءبولىنىپ، وينايدى. ءتۋرنيردىڭ توپتىق كەزەڭى 11، 14، 17 ماۋسىمدا وتسە، فينال مەن ءۇشىنشى ورىن ءۇشىن ماتچ 20 ماۋسىمدا تاشكەنتتە بولادى.

داستان كەنجالين،

استانا