SportPress.kz Qazaqstan sport jańalyqtary
Tashkentte ótip jatqan bokstan álem chempıonatynyń segizinshi kúni Qazaqstannyń eki bylǵary qolǵap sheberi jeńip, bir boksshysy jeńiliske ushyrady. Bul týraly rast.kz habarlady.
Búgin 54 kelige deıingi sańlaqtar – 1/16 fınaldyq, al 48, 60, 86 jáne 92 kelige deıingi salmaqtardaǵy atletter 1/8 fınaldyq jekpe-jekterin ótkizdi.
Bizden 54 kelige deıingi salmaqtaǵy Mahmud Sabyrhan kúndizgi sessııada rıngke birinshi bolyp shyǵyp, vengr Ishtvan Zakamen kúsh synasty. Úsh raýndtyń qorytyndysy boıynsha bizdiń oǵlan aıqyn basymdyqpen jeńiske jetti. Sóıtip, Mahmud Tashkent rıngindegi alǵashqy aıqasyn jeńispen aıaqtady.
Keshki sessııada 48 kelige deıingi salmaqtaǵy Sanjar Táshkenbaı ózbek Shodıerjon Melıkýzıevpen kezdesip, ony 4:1 esebimen tize búktirdi. Negizi, qazaqstandyq boksshy básekelesinen edáýir basym boldy. Tipti ekinshi raýndta alań ıesin nokdaýnǵa da jiberdi. Sondyqtan tablodaǵy esep alańdaǵy ahýalmen sáıkes kelmeıdi. О́zbek boksshyna kórer kózge jalǵan upaı berip otyrǵan reseılik tóreshi bolyp shyqty.
Budan keıin 86 kelige deıingi salmaqtaǵy Saǵyndyq Toǵambaı da ózbek boksshysymen qolǵap túıistirdi. О́kinishke qaraı, bul shaıqasta bizdiń ulan jeńiliske ushyrady. Bylaı kelgende, Shohjahon Abdýllaev odan asa bir basym bola qoıǵan joq. Biraq birinshi raýndta tepe-teń oıynnyń sıpatynda qaptaldaǵy tóreshiler jeńisti túgel ózbek jigitine berip jiberdi. Sodan keıin munyń ornyn toltyryp, ese qaıtarý qıyn boldy. Alaıda, ashyǵy kerek, Saǵyndyq jeńiske aıtarlyqtaı qushtarlyq ta tanyta qoımady. Osy passıvtik te qorytyndyda jeńiliske sebepshi bolsa kerek.
Sonymen, Qazaqstan quramasy sapynan Sáken Bıbosynov (51 kg), Talǵat Syrymbetov (60 kg), Sanatáli Tóltaev (63, kg), Aıbek Oralbaı (92 kg) jáne Saǵyndyq Toǵambaı (86 kg) atty jigitter jarys jolynan shyǵyp qaldy.
Erteń, 9 mamyr, chempıonattyń toǵyzynshy kúninde sharshy alańǵa 51, 54, 67, 71, 75, 80 kelige deıingi salmaqtardaǵy boksshylar kóterilip, 1/8 fınaldyq teketiresterge qatysady.
Osy kúni bizden kúndizgi sessııada 71 kelige deıingi salmaqtaǵy komanda kapıtany Aslanbek Shymbergenov ızraıldik Mıroslav Karýlermen, 80 kelige deıingi salmaqtaǵy Nurbek Oralbaı túrik Kaan Aıkýtsynmen, keshki sessııada 54 kelige deıingi salmaqtaǵy Mahmýd Sabyrhan úndistandyq Sachın Sachınmen, 67 kelige deıingi salmaqtaǵy Dýlat Bekbaýov kelesi bir úndistandyq Akash Akashpen, 75 kelige deıingi salmaqtaǵy Nurqanat Raıys brazılııalyq Ýandereı Pereıramen shırek fınalǵa shyǵý jolynda shaıqasady.
Al búgin 1/8 fınalda jeńiske jetken Sanjar Táshkenbaı 10 mamyrda bolatyn shırek fınalda japon Kazýma Aratakemen judyryq siltesedi.
Chempıonatta 10 mamyrda – 1/4 fınaldyq jekpe-jekterge kezek keledi, 11 mamyrda bokshylar tynyǵady, 12 mamyrda jartylaı fınaldyq aıqastar ótedi, al fınal 13-14 mamyr kúnderi oınalady.
Chempıonattan translıaııa Astana ýaqyty boıynsha 14.55-18.00 jáne 18.55-22.00 saǵattar aralyǵynda «Qazsport» telearnasynan tikeleı efırde kórsetiledi.
