Qazaqstan boksshylary altyn júlde týraly oılaryn aıtty (VIDEO)

Búgin – О́zbekstannyń Tashkent qalasynda bokstan eresekter arasynda ótip jatqan álem chempıonatynda demalys kúni. Boksshylar tynyǵady. Al erteń kúni boıy jartylaı fınaldyq jekpe-jekter bolady.

Keshe shırek fınalda jeńiske jetken Qazaqstannyń ulttyq quramasynyń boksshylary aldaǵy jekpe-jekteri týraly oılaryn aıtty.

Komanda kapıtany 71 kg salmaqta óner kórsetetin Asylanbek Shymbergenov jattyqtyrýshylardyń taktıkasyn durys oryndaǵanyn, endi ári qaraı jeńis tuǵyrynan kórinýge bar kúsh-jigerin salatynyn atap ótti.

Asylanbek ¼ fınalda franııalyq Makano Traoreni jeńgen bolatyn. Bul kezdesý asa tartysty jáne qyzyqty boldy. Endi Shymbergenov erteń sharshy alańda Úndistannyń ókili Nıshant Devpen qolǵap túıstiredi. Úndi boksshysy kýbalyq Horhe Kýelıardy utyp, jartylaı fınalǵa shyqty.

Bıylǵy dodada úndi elinen úsh bylǵary qolǵap sheberi ½ fınalǵa joldama aldy. Olar –  Dıpak Bhorııa (51 kg), Muhammed Hýssamýddın (57 kg) men osy Nıshant Dev (71 kg). Úsheýi de osal boksshy emes. Dıpak Bhorııa Sáken Bıbosynovty jeńip, odan keıin de qarsylastaryn asa qınalmaı utqan sportshy. Muhammed Hýssamýddın de jarysqa jaqsy daıyndalyp kelipti. Al Asylanbektiń qarsylasy Nıshant jartylaı fınalda otandasymyzdy jeńip, ári qaraı fınalda altyn júlde alyp qaıtamyn dep ashyq aıtyp otyr.

Ol keshegi jekpe-jekten keıin bergen bir suhbatynda:

Barlyq tóreshiler biraýyzdan maǵan upaı sanap berdi. Kýbalyq boksshyny osylaı aıqyn basymdyqpen uttym. Bizdiń strategııa – birinshi raýndtan bastap qarsylasqa qysym kórsetip, psıholıgııalyq jaǵynan jeńý. Men osy taktıkany jartylaı fınalda, odan keıin fınalda da qaıtalaımyn. Úndistanǵa altyn júldemen qaıtamyn, –  dedi ol.

Onyń sózine qaraǵanda, Shymbergenovty asa qınalmaı utatyn sııaqty. Ne desek te erteń sharshy alań bárin kórsetedi. Al biz boksshymyzǵa tek sáttilik tileımiz. О́zi aıtqandaı, jeńis tuǵyrynan kórinýge bar kúsh-jigerin salýy tıis.

Osy jekpe-jekte komanda kapıtanynyń joly bolsa, ol fınalda Saıdjamshıd Djafarovpen (О́zbekstan) nemese Ýonderson de Olıveıramen (Brazılııa) qolǵap túıistiredi.

Keshe Qazaqstan quramasynan 67 kg salmaqtaǵy Dýlat Bekbaýov ta kelesi kezeńge shyqty.

Álem chempıonatyn zaldan qarap otyrǵan qazaqstandyq jankúıerlerdiń aıtýynsha, jergilikti halyq onyń jekpe-jekterine dúrbi salyp otyrǵan kórinedi. О́ıtkeni, Bekbaýovty kópshilik bile bermeıdi. Ony jumbaq boksshy deýge bolady. Onyń qarsylasy – grýzııalyq Lasha Gýrýlı. Bul jigit osymen ekinshi ret qatarynan álem chempıonatynyń jartylaı fınalyna shyǵyp otyr. Ol 2021 jyly Serbııanyń Belgrad qalasynda ótken álem chempıonatynyń qola júldegeri. Byltyr Erevanda bolǵan Eýropa chempıonatynyń fınalyna jetip, kúmis medal alǵan. Sondyqtan Dýlatqa grýzın boksshymen jekpe-jek ońaı bolady dep aıta almaımyz.

Al Bekbaýovtyń ózi altyn medaldan úmitti ekenin jasyrmaıdy. Ol keshegi shırek fınaldan keıin meksıkalyq Mıgel Anhel Martınesti aıqyn basymdylyqpen utqanyn, osymen toqtap qalmaıtynyn, mindetti túrde jeńiske jetetinin aıtty.

Assalaýmaǵaleıkúm, qazaq eli! Mine, búgin taǵy da ekinshi kezdesýimde jeńiske jettim. О́te tartysty jekpe-jek boldy. Birinshi raýndta 3:2 esebimen utylyp jatsam da jattyqtyrýshylardyń qoıǵan taktıkasyn eskerip, jeńdim. Olarǵa rahmet! Qazaq eline alǵysym sheksiz. О́te jaqsy qoldaý kórsetip jatyr. Bizdiń Qazaqstan boks federaııasynyń prezıdenti Keńes Raqyshev aǵamyzǵa da rahmet aıtqym keledi. Ol tikeleı bizge habarlasyp, motıvaııa beoip jatyr. Qudaı qalasa, osymen toqtap qalmaımyz. Bul álem chempıonatyna biz áltyn medal alý úshin keldik. Inshalla, altyn júldemen qaıtamyz, –  dedi ol.

Eger Dýlat Bekbaýov qarsylasyn utsa, ol Asadhýja Mýıdınhýdjaev (О́zbekstan) pen Battomorıın Mıshılt (Mońǵolııa) arasyndaǵy aıqastyń jeńimpazymen sharshy alańǵa shyǵady.

Ulttyq quramada senim artylyp otyrǵan boksshynyń biri — Mahmud Sabyrhan da jartylaı fınalǵa shyqty.  Ol 54 kg deıingi salmaqta ganalyq Muhammed Amadýdyń aldyn orap ketti. Osy aıqastan keıin Sabyrhan ganalyq sportshyny ýaqytynan buryn jeńýge bolatynyn aıtty.

Jekpe-jekti ýaqytynan buryn jeńýge bolatyn edi. О́z stılimde bokstastym. 1/8 fınalda qarsylasym myqty boldy. Ony jasyrmaımyn. Sol aıqasta qabaǵym jarylyp qaldy. Sol sebepti qabaǵyma soqqy tıgizbeı, tek upaıdy túgendep júrdim. Úsh raýndty óte jaqsy ótkizdim dep oılaımyn. Áli sharshaǵan joqpyn. Beısenbi – demalys. Oǵan deıin qabaǵymdy emdep, kelesi jekpe-jekke daıyndalamyn, – dedi Mahmud.

Mahmud Sabyrhannyń qarsylasy – kýbalyq Iosvanı Veıtıa. Bul boksshy jeńil salmaqtaǵy sportshylardyń «ardageri». Qaısybir jyldary ol 52 kg salmaqta Oljas Sáttibaımen de judyryqtasqan. Sol kezde ony Oljas utqan. Sol Veıtııa qolǵabyn shegege áli ilmepti. Salmaǵyn da 54 kg aýystyryp alypty. Bizdiń boksshylar bir salmaqpen on, on bes jyl júre berse, Kýbada ondaı joq. Jasyna, tájirıbesine qaraı salmaǵyn da ósirip otyrady. Eger Qudaı qalap, Mahmud kýbalyqtan aılasyn asyrsa, Dmıtrıı Dvalı (Reseı) pen Oıbek Djýraevtyń (О́zbekstan) jekpe-jeginiń jeńimpazymen kezdesedi. Al bul ekeýi de osal emes. Birinshisiniń artynda Halyqaralyq áýesqoı boks qaýymdastyǵynyń perzıdenti reseılik Ýmar Kremlev bastaǵan top tursa, ekinshisi óz jerinde qolǵap túıistirip jatyr.

Bıylǵy dodada Reseıden de О́zbekstannan da jartylaı fınalǵa biraz boksshy shyqty. Reseıden alty sportshy shyqsa, О́zbekstannan toǵyz bylǵary qolǵap ıesi ½ fınalǵa joldama aldy. Sonda da «altyn kórse perishte joldan taıady» demekshi, bul elderdiń altyn medal alýǵa úmitteri óte zor.

Jartylaı fınalǵa el úmitin arqalap shyǵatyn boksshymyzdyń biri 80 kg salmaqtaǵy Nurbek Oralbaıdyń qarsylasy – reseılik Imam Hataev.

Nurbek shırek fınalda ıordanııalyq Hýsseın Eıshaıshty utyp, Ammandaǵy Azııa chempıonatynda ketken esesin qaıtardy. Endi ol jartylaı fınalda 2020 jylǵy Olımpıadanyń qola júldegerimen rıngke shyǵady. Imamnyń ulty– sheshen. Jalpy, Reseı quramasynda kavkazdyqtar basym. Imam 2014 jyly stýdentter arasynda ótken álem chempıonatyn jeńip alǵan. Sodan beri áýesqoı boksta Reseıdiń nómiri boksshylarynyń biri.

Nurbekke Reseı boksshysymen jekpe-jek ońaı bolmaıyn dep tur. Degenmen Oralbaı da qaıtpaıdy eken. Ol «Alla qalasa, elge altyn júlde alyp kelemiz», –  dep aıtty.

Sonymen birge 1/4 fınalda ulttyq quramanyń 48 keli salmaqtaǵy ókili Sanjar Táshkenbaı japonııalyq Kazýmo Aratakeni jeńip, birinshi oryn alýym kerek dep aldyna maqsat qoıyp otyr eken.

Assalaýmaǵaleıkým! Oıdaǵydaı jartylaı fınalǵa shyqtyq, jeńiske jettik. Bul qarsylaspen ekinshi ret kezdesip turmyn. Bapkerimizben taktıka quryp, Allaǵa shúkir, ol oryndaldy. Qoldaýlaryńyzǵa rahmet, ony sezinip jatyrmyn! Buıyrsa, munymen toqtamaımyz. Birinshi oryn alyp kelý kerek! –  dedi Sanjar.

Erteń Sanjar Táshkenbaı reseılik Edmond Hýdoıanmen sharshy alańǵa shyǵady. Erteń demekshi, sýdıalardyń búıregi Hýdoıanǵa buryp ketpese Sanjar fınalǵa shyǵýy tıis. Biz 48 kg salmaqta jarqyrap kórinip kele jatqan Sanjardyń ádis-tásiline senip otyrmyz. Eger reseılikti jeńip, fınalǵa shyqsa ol Sahıl Alahverdovı (Grýzııa) nemese Alehandro Klaronyń (Kýba) bireýimen qolǵap túıistiredi.

Ázirshe aıtatynymyz osy. Boks degen boljam jasaýǵa bolmaıtyn sport túri ǵoı. Til-kózimiz tasqa, jigitterdiń daıyndyǵy jaqsy bolsa, Tashkent tórinde qazaq eliniń ánurany áli birneshe ret shyrqalady.

Barlyq jartylaı fınaldar 12 mamyrda ótedi. Fınal 13 mamyrda bolady.

48 kg:
Sahıl Alahverdovı (Grýzııa) — Alehandro Klaro (Kýba)
Sanjar Táshkenbaı (Qazaqstan) — Edmond Hýdoıan (Reseı)

54 kg:
Mahmud Sabyrhan (Qazaqstan) — Iosvanı Veıtıa (Kýba)
Dmıtrıı Dvalı (Reseı) — Oıbek Djýraev (О́zbekstan)

67 kg:

Lasha Gýrýlı (Grýzııa) — Dýlat Bekbaýov (Qazaqstan)
Asadhýja Mýıdınhýdjaev (О́zbekstan) — Battomorıın Mıshılt (Mońǵolııa)

71 kg:
Nıshant Dev (Úndistan) — Asylanbek Shymbergenov (Qazaqstan)
Saıdjamshıd Djafarov (О́zbekstan) — Ýonderson de Olıveıra (Brazılııa)

80 kg:
Toqtarbek Tańatqan (Qytaı) — Gazımagomed Jalıdov (Ispanııa)
Imam Hataev (Reseı) — Nurbek Oralbaı (Qazaqstan).

 

Dastan KENJALIN,

ASTANA

 

 

View this post on Instagram

 

A post shared by Sportty damytý dırekııasy (@drs_kz)