كريشتيانۋ رونالدۋ گولدان كەيىن ساجدە جاسادى (ۆيدەو)

ساۋد ارابياسىنىڭ «ءال-ناسر» كلۋبىنىڭ ويىنشىسى، پورتۋگاليالىق فۋتبولشى كريشتيانۋ رونالدۋ «ءال-شاباب» كومانداسىنىڭ قاقپاسىنا گول سالعاننان كەيىن باسىن ساجدە جاسادى.

ول گول سالىپ، الاڭنىڭ شەتىنە جۇگىرىپ كەلىپ»»Si-i-i-u-u-u!» دەپ ايقايلاپ كەرى بۇرىلدى دا باسىن ساجدەگە قويدى.

بۇل ماتچتا «ءال-ناسر» كلۋبى 0:2 ەسەبىمەن جەڭىلىپ تۇرىپ، كامبەك جاسادى. 59-مينۋتتا رونالدۋدىڭ گولى كومانداسىنا جەڭىس اكەلدى. ونىڭ الىستان تەپكەن دوبىن قاقپاشىسى قايتارا المادى.

رونالدۋدىڭ ساجدە جاساعانى جەرگىلىكتى جانكۇيەرلەردى تاڭعالدىردى. ساجدەنى مۇسىلماندار ناماز وقىعاندا، قۇران باعىشتاپ، اللاعا قۇلشىلىق ەتكەندە جاسايدى. ال فۋتبولشىنىڭ بۇل جاساعانى مۇسىلمان جۇرتشىلىعىنا قۇرمەت بولىپ كورىندى.

داستان كەنجالين،

استانا