قازاقستان ۇلتتىق قۇراماسىنىڭ ناقتى ءتىزىمى جاريالاندى

قازاقستان ۇلتتىق قۇراماسىنىڭ باس جاتتىقتىرۋشىسى ماگومەد اديەۆ 16 ماۋسىمدا سان-مارينومەن جانە 19 ماۋسىمدا سولتۇستىك يرلانديا كوماندالارىمەن وتەتىن ەۋرو-2024 ىرىكتەۋ ماتچتارىنا شاقىرىلعان ويىنشىلاردىڭ ناقتى ءتىزىمىن جاريالادى، دەپ حابارلادى قازاقستان فۋتبول فەدەراتسياسى.

قورىتىندى تىزىمگە 27 فۋتبولشى ەندى.

قاقپاشىلار: يگور شاتسكي («شاحتەر»)، بەكحان شايزادا («ورداباسى»)، دانيل ۋستيمەنكو («قايرات»);

قورعاۋشىلار: سەرگەي مالىي، تەمىرلان ەرلانوۆ (ەكەۋى دە – «ورداباسى»)، الەكساندر ماروچكين («توبىل»)، ميحايل گابىشەۆ، تيمۋر دوسماعامبەتوۆ، ابزال بەيسەبەكوۆ (بارلىعى – «استانا»)، مارات بىستروۆ («احمات»، رەسەي)، يان ۆوروگوۆسكي («مولەنبەك»، بەلگيا)، الىبەك قاسىم («اقتوبە»)، نۇرالى ءالىپ («زەنيت»، رەسەي)، لەۆ سكۆورتسوۆ («حيمكي»، رەسەي)، ەركىن تاپالوۆ («قىزىلجار»);

جارتىلاي قورعاۋشىلار: رامازان ورازوۆ («توبىل»)، باقتيەر زاينۋتدينوۆ (تسسكا، رەسەي)، ماكسيم سامورودوۆ، ارمان كەڭەسوۆ (ەكەۋى دە – «اقتوبە»)، اسحات تاعىبەرگەن («ورداباسى»)، اسلان داراباەۆ، ەلحان استانوۆ، يسلامبەك قۋات (بارلىعى – «استانا»);

شابۋىلشىلار: ابات ايىمبەتوۆ، ۆلاديسلاۆ پروكوپەنكو (ەكەۋى دە – «استانا»)، ارتۋر شۋشەناچەۆ، ۆياچەسلاۆ شۆىرەۆ (ەكەۋى دە – «قايرات»);

جاتتىقتىرۋشىلار شتابى: ماگومەد اديەۆ – باس باپكەر، ەۆگەني كوسترۋب – باس باپكەردىڭ كومەكشىسى، رۋسلان بالتيەۆ – باس باپكەردىڭ كومەكشىسى، ۆالەري سيتالو – قاقپاشىلاردىڭ جاتتىقتىرۋشىسى، ەرلان يبرايم – دەنە دايارلىعى جاتتىقتىرۋشىسى، امال سىزدىقوۆ – ساراپشى باپكەر.

وقۋ-جاتتىعۋ جيىنى 8 ماۋسىمدا الماتىدا باستالادى.

ايتا كەتەيىك، قازاقستان قۇراماسى ماۋسىم ايىندا 2024 جىلعى ەۋروپا چەمپيوناتىنىڭ ىرىكتەۋ كەزەڭىندە سىرت الاڭدا ەكى ماتچ وتكىزەدى. 16 ماۋسىمدا ۇلتتىق قۇراما سان-مارينومەن يتاليانىڭ پارما قالاسىندا كەزدەسەدى. ويىن «ەننيو تارديني» ستاديونىندا استانا ۋاقىتىمەن 00.45-تە باستالادى.

ءۇش كۇننەن كەيىن ەلىمىزدىڭ باس كومانداسى سولتۇستىك يرلانديامەن وينايدى. كەزدەسۋدىڭ باستالۋى استانا ۋاقىتىمەن ساعات 00.45-كە جوسپارلانعان. ماتچ بەلفاست قالاسىنداعى «ۋيندزور پارك» ستاديونىندا بولادى.