Olga Rypakovanyń qyzy Azııa chempıonatynyń qola júldesin aldy

Jeńil atletıkadan Olımpıada chempıony Olga Rypakovanyń qyzy Anastasııa Rypakova  jasóspirimder arasynda Ońtústik Koreıada ótip jatqan Azııa chempıonatynda qola júldeni jeńip aldy.

Ol uzyndyqqa sekirýden favorıt bolyp, 5,9 metrge sekirdi.  Buǵan deıin Rypakova Qazaqstan chempıonatynda 6,21 metrge qarǵysa, qysta 6,25 metr kórsetkish tirkegen. Alaıda Azııa chempıonatynda bul nátıjelerin qaıtalaı almady.

Azııa chempıonatynyń altyn júldesin qytaılyq jeńil atlet Hýan Inın jeńip aldy. Onyń úzdik kórsetkishi 6,24 m boldy. Kúmis medaldi úndi sportshysy Sýsmıt ıelendi.

Qazir Azııa chempıonatynda Qazaqstan quramasy júlde sany boıynsha 9-orynda keledi.

Dastan KENJALIN,

ASTANA