رىباكينا رەسمي تۇردە الەمنىڭ ءۇشىنشى راكەتكاسى اتاندى

قازاقستاننىڭ جەكەلەي سىنداعى ءبىرىنشى راكەتكاسى ەلەنا رىباكينا رەسمي تۇردە الەمنىڭ ءۇشىنشى راكەتكاسى اتاندى.

ايەلدەر تەننيسى قاۋىمداستىعى (WTA) جاڭارتىلعان رەيتينگىندە تەننيسشى ءتورتىنشى ورىننان ءۇشىنشى ساتىعا كوتەرىلدى. ونىڭ الدىندا پولشانىڭ سپورتشىسى يگا شۆەنتەك پەن بەلارۋستىڭ وكىلى ارينا سوبولەنكو تۇر.

قازاقستاننىڭ تاعى ءبىر تەننيسشى يۋليا پۋتينتسەۆا 58-دەن 51-ورىنعا شىقتى.

رەيتينگەت جۇپتىق سىندا چەحيالىقتار كاتەرينا سينياكوۆا مەن باربورا كرەيچيكوۆا، امەريكالىق دجەسسيكا پەگۋلا توپ- ۇشتىكتەن ورىن الدى. ال جۇپتىق سىنداعى قازاقستاننىڭ ءبىرىنشى راكەتكاسى اننا دانيلينا 25-تەن 24-ورىنعا كوتەرىلدى.

جاقىندا فرانتسيانىڭ اشىق بىرىنشىلىگى – «رولان گارروس» تۋرنيرىندە يگا شۆەنتەك ايەلدەر اراسىندا جەڭىمپاز اتانسا، نوۆاك دجوكوۆيچ «ۇلكەن دۋلىعا» ءتۋرنيرىن 23 رەت ۇتىپ، رەكورد جاسادى.

داستان كەنجالين،

استانا