ەكس-رەسەيلىك فۋتبولشى قازاقستان قۇراماسىندا ويناماۋى مۇمكىن

الماتىدا قازاقستان ۇلتتىق قۇراما كومانداسىنىڭ جاتتىعۋى كەزىندە ەلىمىزدىڭ ازاماتتىعىن العان رەسەيدىڭ ەكس-فۋتبولشىسى الەكساندر زۋەۆتىڭ جاراقات العانى تۋرالى حابار تارادى.

Meta-rating.kz پورتالىنىڭ حابارلاۋىنشا، فۋتبولشى ەندى قازاقستان قۇراماسىنىڭ الداعى ەكى ويىنىنا قاتىسپاۋى مۇمكىن. ول جاراقاتىنان ءالى ايىقپاعان اسلانبەك داراباەۆتى الماستىرۋ كەرەك ەدى.

ۇلتتىق قۇراما 17 ماۋسىمدا سىرت الاڭدا سان-مارينو كومانداسىمەن، ودان كەيىن بەلفاستتا سولتۇستىك يرلانديا جاساعىمەن كەزدەسەدى.

الەكساندر زۋەۆ ماۋسىم ايىنىڭ باسىندا قازاقستان ازاماتتىعىن الىپ، ۇلتتىق قۇراماعا شاقىرىلعان بولاتىن.

وسى كەزگە دەيىن زۋەۆ رەسەيدىڭ «سپارتاك» (ماسكەۋ)، «رۋبين» (قازان)، «روستوۆ» (روستوۆ نا دونۋ)، ماسكەۋدىڭ تۇبىندەگى حيمكي قالاسىنىڭ «حيمكي» كلۋبى مەن «كرىليا سوۆەتوۆ» (سامارا) كوماندالارىندا ويناعان.

2013 جىلى رەسەي قۇراماسى ساپىندا 17 جاسقا دەيىنگىلەر اراسىندا ەۋروپا چەمپيونى اتانعان. 2016 – 2017 جىلدارداعى فۋتبول ماۋسىمىندا ماسكەۋدىڭ «سپارتاك» جاساعىنىڭ قۇرامىندا رەسەي چەمپيونى بولعان.

داستان كەنجالين،

استانا