Eks-reseılik fýtbolshy Qazaqstan quramasynda oınamaýy múmkin

Almatyda Qazaqstan ulttyq qurama komandasynyń jattyǵýy kezinde elimizdiń azamattyǵyn alǵan Reseıdiń eks-fýtbolshysy Aleksandr Zýevtiń jaraqat alǵany týraly habar tarady.

Meta-rating.kz portalynyń habarlaýynsha, fýtbolshy endi Qazaqstan quramasynyń aldaǵy eki oıynyna qatyspaýy múmkin. Ol jaraqatynan áli aıyqpaǵan Aslanbek Darabaevty almastyrý kerek edi.

Ulttyq qurama 17 maýsymda syrt alańda San-Marıno komandasymen, odan keıin Belfastta Soltústik Irlandııa jasaǵymen kezdesedi.

Aleksandr Zýev maýsym aıynyń basynda Qazaqstan azamattyǵyn alyp, ulttyq quramaǵa shaqyrylǵan bolatyn.

Osy kezge deıin Zýev Reseıdiń «Spartak» (Máskeý), «Rýbın» (Qazan), «Rostov» (Rostov na Doný), Máskeýdiń túbindegi Hımkı qalasynyń «Hımkı» klýby men «Krylıa Sovetov» (Samara) komandalarynda oınaǵan.

2013 jyly Reseı quramasy sapynda 17 jasqa deıingiler arasynda Eýropa chempıony atanǵan. 2016 – 2017 jyldardaǵy fýtbol maýsymynda Máskeýdiń «Spartak» jasaǵynyń quramynda Reseı chempıony bolǵan.

Dastan KENJALIN,

ASTANA