قازاقستان وليمپياداعا العاشقى ليتسەنزياسىن جەڭىپ الدى

تاسجولداعى ۆەلوسپورتتان تايلاندتىڭ رايگون قالاسىندا وتكەن ازيا چەمپيوناتىندا قازاقستاننىڭ ەرلەر قۇراماسى 2024 جىلى فرانتسيانىڭ استاناسى -پاريج قالاسىندا جالاۋى جەلبىرەيتىن جازعى وليمپيالىق ويىنداردىڭ ءبىر ليتسەنزياسىن جەڭىپ الدى.

قازاقستان قۇراماسى ءبىر اپتاعا سوزىلعان ازيا چەمپيوناتىندا 15 جۇلدەگە (8 التىن، 4 كۇمىس، 3 قولا) يە بولدى.

ازىرشە وليمپياداعا ەڭ كوپ ليتسەنزيانى  فرانتسيانىڭ  366 سپورتشىسى (الاڭ يەسى)، اقش-تىڭ 131 وكىلى، ۇلىبريتانيانىڭ 64 اتلەتى مەن اۆستراليا مەن جاپونيانىڭ قىز-جىگىتتەرى الىپ وتىر. سوڭعى ەكى ەلدەن ازىرشە 45 ادامنان وليمپياداعا بارادى.

تايلاندتىڭ رايونگ قالاسىندا وتكەن تاسجولداعى ۆەلوسپورتتان ازيا چەمپيوناتىندا 23 جاسقا دەيىنگى جاستار اراسىندا اندرەي رەمحە مارەگە ءبىرىنشى بولىپ جەتكەن بولاتىن.

مادەنيەت جانە سپورت مينيسترلىگىنىڭ حابارلاۋىنشا، ول بەلگىلەنگەن 30 شاقىرىمدى 36 مينۋت 11.058 سەكۋندتا ءجۇرىپ ءوتتى.

بيىلعى دودادا پاريج وليمپياداسىنا قاجەت رەيتينگ ۇپايلارى ساراپقا سالىندى.

داستان كەنجالين،

استانا